Genese 47:23 - MUKANDA WA MYIDI MUKULU

²³ Yozefe kuambila bena ditunga ne: — Mpindiewu nuenu bonsu nudi bajadike mundi mumane kunusumba, musumbe kabidi ne madimi enu. Nudi bashale bapika ba mukalenga wa bena Ejipitu. Nanku, angatayi maminu, nuye kukuna mu madimi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Hashishe Yosefe wakambila bantu ne, Monai, nakunusumbila Palo lelu, nuenu ne buloba buenu ka maminu adi aha bua bualu buenu, nuakune mu buloba.

Genese 47:23 교차 참조

Genese 41:27

Ngombe mikuabu minyane muanda mutekete ne miepu ya mponda muanda mutekete ivua mifubishe kudi lupepela, bidi bileja kabidi bidimu muanda mutekete, kadi mbia tshiyole tshia nzala.

Genese 45:6

Mpindiewu tudi mu tshidimu tshibidi tshia tshiyole. Kumpala eku kutshidi bidimu bikuabu bitanu, bidi bantu kabayi mua kudima nansha kunowa.

Genese 47:22

Kadi Yozefe kavua musumbe madimi a batuangaji to. Bualu bavua babadisha kudi mukalenga wa bena Ejipitu. Kabidi meyi ne mikandu bia mukalenga wa bena Ejipitu bivua bikandika bua kabasumbishi madimi abu.

Genese 47:24

Kadi, diba dia kunowa, nufile tshia bitanu tshimue tshia bintu abi kudi mukalenga wa bena Ejipitu. Biakudia bidi bishale mbienu. Nubilame bua maminu. Bikuabu nudie ne bena meku enu bonsu.

Misambu 112:5

Muntu udi uleja bakuabu luse, ubasombesha bintu, ulongolola malu ende mu buakane, udi wenza bimpe.

Misambu 41:1

Musambu wa mu mukanda wa mulombodi wabena misambu. Wamu mukanda wa misambu ya Davide.

Nsumuinu 11:26

Bantu badi batshipa badi bakandamana ne biakudia amu buabu nkayabu. Kadi badi banyisha bantu badi babapanyishabi.

Nsumuinu 12:11

Muntu udi udima budimi buende neikale ne biakudia bia bungi. Kadi muntu udi udidinga udi upanga malu.

Nsumuinu 13:23

Budimi bua mupele budi bubodiodioka ne biakudia. Kadi bamue bantu badi bajimina bua malu abu mabi.

Muambi 11:6

Ke paudi mua kukuna dinda too ne dilolu kuyi wikisha. Bualu kuena mumanye kuwapetela tshintu, nansha ku mudimu wa dinda nansha wa dilolu, nansha ku yonsu ibidi.

Yeshaya 55:10

Mvula ne mabungi bidi biloka. Kadi kabiena bipingana mulu, amu bianji kubolesha buloba, kubufukisha, amu bianji kumeneshamu ntete. Ntete eyi idi ipetesha mikuabu idibu mua kumiamina, ne mikuabu idibu mua kudia.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

2 Korente 9:10

Mvidi Mukulu udi upesha tshidime maminu ne biakudia, neanupeshe maminu onsu anudi nukengela. Neaameneshe kabidi. Nanku muoyi wenu wa kalolu neukuame bimuma bimpe.