Genese 47:22 - MUKANDA WA MYIDI MUKULU

²² Kadi Yozefe kavua musumbe madimi a batuangaji to. Bualu bavua babadisha kudi mukalenga wa bena Ejipitu. Kabidi meyi ne mikandu bia mukalenga wa bena Ejipitu bivua bikandika bua kabasumbishi madimi abu.

Mukanda wa Nzambi Dihungila Dikulukulu ne Dihungila Dihia-dihia 2003

²² Yeye kakasumba buloba bua babuki, bualu bua babuki bakadi ne tshituha tshiabo kudi Palo, ne bakadila bintu biakabaha Palo nunku bobo kabakahana buloba buabo.

Genese 47:22 교차 참조

Genese 14:18

Nanku Melkisedeke uvua mukalenga wa bena Saleme, muikale kabidi mutuangaji wa bantu ne Mvidi Mukulu muena kulu. Kutuadilaye Abrame mampa ne maluvu.

Genese 41:45

Kuinyikaye Yozefe dina dia bena Ejipitu dia Safnate-Paneya. Kumuseleshaye ne mukaji, dina diende Asnate, muana wa mutuangaji Potifera wa mu tshimenga tshia One. Kutuadija mu tshikondu atshi, Yozefe uvua mua kuendakana mu ditunga dijima dia Ejipitu.

Genese 41:50

Tshiyole tshia nzala katshiyi tshianji kuenzeka, Yozefe kulela bana ba balume babidi ne mukajende Asnate, muana wa Potifera, mutuangaji wa mu tshimenga tshia One.

Genese 47:21

Yozefe kubueja bantu mu bupika mu ditunga dijima.

Genese 47:23

Yozefe kuambila bena ditunga ne: — Mpindiewu nuenu bonsu nudi bajadike mundi mumane kunusumba, musumbe kabidi ne madimi enu. Nudi bashale bapika ba mukalenga wa bena Ejipitu. Nanku, angatayi maminu, nuye kukuna mu madimi.

Genese 47:26

Yozefe kuela mukenji ne: tshia bitanu tshimue tshia biakudia, ntshia mukalenga wa bena Ejipitu. Mukenji ewu utshidiku too ne lelu. Anu madimi a batuangaji kaavua mu dina dia mukalenga wa bena Ejipitu to.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

Ezela 7:24

Tudi tumanyisha kabidi balami ba bibutshilu ne: kabena mua kulambuisha batuangaji, bena Levi, bena misambu, balami ba ku biibi, bena midimu mikuabu ba mu nzubu wa Mvidi Mukulu bitadi nansha milambu mikuabu to.

Nehemya 13:10

Meme kumvua kabidi ne: bena Levi kabena bapeta bintu bivua bibafundila. Nanku bakavua bapingana ku madimi abu, balekela kuenza mudimu wa Mvidi Mukulu. Bena misambu pabu badi benza amu nanku.

Matayi 10:10

Kanuyi ne tshibuta tshia luendu, kanuyi ne mutelu mukuabu, nansha ne bisabata, nansha ne dikombu dia luendu. Bualu muena mudimu udi ne bua kupeta biakudia biende.

1 Korente 9:13

Nudi bamanye bimpe ne: badi benza mudimu mu nzubu wa Mvidi Mukulu, badi bapeta biakudia biabu ku bidi bantu bela mu nzubu amu. Badi balambula milambu pa tshilambuilu, badi bapeta tshiabu tshitupa tshia milambu eyi.

Ngalate 6:6

Muntu udibu balongesha Lumu lua Disanka, udi ne bua kuabanyangana bintu biende ne udi umulongesha.

Dielulula 12:19

Numanye ne: matuku onsu anudi mu ditunga dienu, kanuena mua kulengulula bena Levi to.

2 Tesalonike 3:10

Bualu patuvua kuenu aku, tuvua banuambile ne: “Udi kayi musue kukuata mudimu, alekele kudia!”

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.