Genese 46:6 - MUKANDA WA MYIDI MUKULU

⁶ Yakobe kuya mu Ejipitu ne ndelanganyi yende yonsu. Uvua kabidi ne bintu bionsu bivuabu bapete mu ditunga dia Kenaane.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakangata bimuna biabo ne bintu bionso biakangatabo mu buloba bua Kanana, bakalua mu Ejipitu, Yakoba ne tunkanunuina tuandi bionso

Genese 46:6 교차 참조

Genese 15:13

Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Genese 46:7

Ke muvua Yakobe muye mu Ejipitu ne bintu biende bionsu, kabidi ne bana bende, ne bikulu bende balume ne bakaji.

Misambu 105:23

Pashishe Yakobe kuya mu Ejipitu, Izrayele kusomba mu ditunga dia Kame.

Yeshaya 52:4

Maweja-Nangila Mvidi Mukulu udi wamba kabidi ne: “Kale, bantu banyi bavua badiyile ku Ejipitu, kabayi babenzeja malu ku bukole to. Kadi bena Ashure bavua babakengesha baya nabu ku bukole.

Dibadika 20:15

Bankambua betu kale bavua baye mu Ejipitu. Tuetu kushalamu matuku a bungi. Kadi bena Ejipitu kutukengesha bikole, ne tuetu ne bankambua betu.

Bienzedi 7:15

Nanku Yakobe kupueka mu Ejipitu. Ke muakafuilaye, ne bankambua betu kabidi.

Dielulula 10:22

Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Yoshua 24:4

Izake pende, meme kumupa Yakobe ne Esawu. Meme kupesha Esawu mikuna ya Seyire, bua asombeku. Kadi Yakobe ne bana bende, kuyabu mu Ejipitu.

1 Samuele 12:8

Yakobe ne bena diende bonsu bamane kuya mu Ejipitu, bankambua benu kukenga bikole. Kubikilabu Maweja bua abambuluishe. Maweja-Nangila kutuma Moshe ne Arone bua kupatula bena Izrayele mu Ejipitu, ne bua kubafila mu ditunga ditudi edi.