Genese 45:3 - MUKANDA WA MYIDI MUKULU

³ Yozefe kuambila bana babu ne: — Meme ndi Yozefe wenu! Kadi bushuwa tatu wanyi utshidi ne muoyi anyi? Bana babu kuzakala bikole. Kupangabu mua kuandamuna.

Mukanda wa Nzambi Dihungila Dikulukulu ne Dihungila Dihia-dihia 2003

³ Yosefe wakambila bana babo ne, Ndi Yosefe mene; tatu wanyi utshidi ne muoyo, anyi? Bana babo kabakamanya mua kumuitaba, bakadi batshina ku mesu kuandi.

Genese 45:3 교차 참조

Genese 37:20

tumushipe, tuimanshe tshitalu tshiende mu tshiina. Nefushime ne: mbamudie kudi nyama wa lonji. Nanku netumone tshidi bilota biende bimuenzela.

Genese 42:21

Kuambilanganabu ne: — Ee, mbatunyoke mpindiewu, bualu tuvua bakengeshe muakunyetu Yozefe. Yeye kututendakena ulomba luse, tuetu kubenga kumufuila luse. Ke mutudi lelu mu dikenga amu dia momumue.

Genese 42:22

Rubene kubavuluija ne: — Mvua munuambile ne: kanuenzedi muana ewu bibi to. Nuenu kubenga kunteleja. Mpindiewu bakadi batusombuela, bua lufu luende.

Genese 43:27

Yozefe kubakonka ne: — Nudi ne bukole bua mubidi anyi? Tatuenu unuvua bangambile ne: utshidi ne muoyi, udi bimpe anyi? Utshidipu anyi?

Yobe 23:15

Ke padi bowa bunkuata kumpala kuende. Eyowa, pandi mpita kuela meji, ndi mpita kumutshina.

Yobe 4:5

Lelu dikenga dikukuata, ukadi uteketa! Padibu bakulenga pambidi, ukadi uzakala!

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Marke 6:50

bualu bonsu bavua bamumone bavua bakuatshike buowa. Kadi diakamue Yezu kubambila ne: — Koleshayi muoyi. Mmeme. Kanutshinyi!

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Bienzedi 7:13

Musangu muibidi uvuabu baye mu Ejipitu, Yozefe kudimanyisha kudi bana babu. Nanku diku dia Yozefe kumanyikadi kudi mukalenga wa bena Ejipitu.

Bienzedi 9:5

Shawule kuebeja ne: — Mukalenga, wewe udi nganyi? Ke diyi kuandamuna ne: — Ndi Yezu uudi ukengesha.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.