Genese 45:1 - MUKANDA WA MYIDI MUKULU

¹ Yozefe kupanga mua kukolesha muoyi kumpala kua bantu bende. Ke kupatuishaye bantu bonsu pa mbelu, kushala anu nkayende ne bana babu. Kudimanyishaye kudibu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe, Yosefe kakamanya mua kudikanda kudishikunka ku mesu kua bantu bakimana ha buihi nʼandi, wakamba ne, Numushe bantu bonso kundi Nansha muntu mukuabo wakashala nʼandi hakadimanyisha Yosefe kudi bana babo.

Genese 45:1 교차 참조

Genese 42:24

Yozefe kubashiya mutantshi bua kuya kudila. Yozefe upingana, kubambilaye ne: “Ndi ndama Shimeyone.” Kumusuikishaye nkanu, bobu batangile.

Genese 44:34

Meme tshiyi ne muana ewu, tshiena mua kupingana kudi tatu to. Tshiena mua kukengesha tatu bikole nanku to.

2 Samuele 1:20

Kanumanyishi bena Ngate lumu elu lubi, kanulutangalaji mu misesu ya Askalone. Bakaji ba bena Peleshete kabasanki nanku! Nsongakaji ya bantu benyi, kayedi mbila ya disanka!

2 Samuele 13:9

Pashishe Tamare kuteka mikata ayi mu dilongu, kupesha muanabu. Kadi Amnone kubenga mua kudia. Kutumaye diyi bua bantu bonsu bapatuke. Bantu bonsu kupatuka.

Yeshaya 42:14

Maweja-Nangila udi wamba ne: Ndi mushale mupuwe matuku mavule. Tshiena muandamune ku dilomba dia bantu banyi. Mpindiewu nengele mbila, bu mukaji udi pa lulelu, upuyakana, weyela ne dikenga.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 18:15

— Padi muanenu mukuenzele bibi, uye kumonangana nende bua kumuleja bubi buende. Kadi nuikale nende amu babidi. Pikalaye mukuteleje, wewe ke udi mumupingaje munkatshi muenu.

Bienzedi 10:41

ki mbantu bonsu to, kadi amu tuetu bajadiki bavua Mvidi Mukulu mudianze kusungula. Mvidi Mukulu mumane kumubisha ku bafue, tuvua badie, banue nende.

Bienzedi 7:13

Musangu muibidi uvuabu baye mu Ejipitu, Yozefe kudimanyisha kudi bana babu. Nanku diku dia Yozefe kumanyikadi kudi mukalenga wa bena Ejipitu.

1 Korente 13:5

Kena upanga kanemu, kena ukeba kudisankisha, kena ufika munda, kena ne njiya.