Genese 44:1 - MUKANDA WA MYIDI MUKULU

¹ Yozefe kuambila mulombodi wa bena mudimu bende ne: — Uwujila bantu aba biakudia bibombi tente, bujitu budi muntu yonsu mua kuambula. Upingaje kabidi ku mibangubangu ya tshibombi makuta avua muntu yonsu mutule.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yosefe wakambila mulami wa nsubu wandi ne, Ûshe bibombi bia balume ne bia kudia tente, bungi bua bujitu budibo mua kutuala, teka argent ya muntu ne muntu munda mua tshîbombi tshiandi.

Genese 44:1 교차 참조

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

Genese 42:25

Yozefe kubuwujila bibombi biabu tente ne ntete ya kuenza bukula. Kupingajilaye kabidi muntu yonsu makuta ende mu tshibombi tshiende. Kutumaye kabidi diyi bua babape bia kudiabu mu njila. Kuenzekabi nanku.

Genese 42:35

Kutuadijabu kusukumuna biakudia bivua mu bibombi. Muntu yonsu kusangana mu tshibombi tshiende makuta ende. Bowa kubenza pavuabu bamona makuta awu. Bowa kukuata ne tatuabu Yakobe.

Genese 43:16

Yozefe umona bana babu bafike ne Binyamine, kuambilaye muena mudimu wende ne: — Uye ne benyi banyi kuanyi. Ushipe nyama, ulambe biakudia. Munda munya netudie nabu.

Genese 43:19

Nanku kusemenabu kudi muena mudimu wa Yozefe uvua mu mushiku wa mbelu, bamuambila ne:

Genese 43:2

Ntete ya kuenza bukula, ivua bana ba Yakobe basumbe mu ditunga dia Ejipitu, kujika yonsu. Ke Yakobe kuambila bana bende ne: — Pinganayi kabidi mu ditunga dia Ejipitu bua kutusumbila biakudia bikuabu.

Genese 44:2

Mu tshibombi tshia muanamukala, kuena upingajamu amu makuta avuaye mutule to. Udi welamu kabidi dikopu dianyi dia tshiamu tshitoke tshia mushinga mukole. Mulombodi awu kuenza muvua Yozefe muambe.

Yeshaya 3:1

Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.