Genese 43:5 - MUKANDA WA MYIDI MUKULU

⁵ Kadi wewe mubenge, katuena tuya mu Ejipitu to. Bualu mulombodi uvua mutuambile ne: “Panuikala kanuyi ne muakunyenu wa mukala awu, kanufiki kabidi kundi to.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ kadi biwahidia kututuma nʼandi, katuena tuyaku, bualu bua mulume au waka tuambila ne, Kanuena nuntangila ku mesu, binuikala kanuyi nulua ne muakunyiʼenu kundi.

Genese 43:5 교차 참조

Genese 42:15

Kadi ndi musue kunuteta. Ndi nditshipa ne: bu mudi mukalenga wa bena Ejipitu ne muoyi, kanuena mua kumuka mu ditunga edi, muanenu muana wa mukala awu kayi mufike to.

Genese 42:20

Pashishe nuenu bafike ne muakunyenu udi mushale awu, nenjadike ne: nudi nuamba bulelela. Nanku kanuakufua to. Bana babu kuanyisha muvuaye wamba amu.

Genese 42:38

Yakobe kubenga, wamba ne: — Kanuena nuya ne Binyamine wanyi to. Muanabu ukadi mufue. Yeye ke undi mushale nende. Bu yeye mupete dikasa dibi, panudi nuya nende apu, nenunshipeshe meme mukulumpe bua kanyinganyinga ka lufu luende.

Genese 43:3

Yuda kuandamuna tatuende ne: — Mulombodi wa ditunga dia Ejipitu uvua mutudimuja, wamba ne: panuikala kanuyi bafike ne muakunyenu wa mukala awu, kanufiki kabidi kundi to.

Genese 43:4

Nanku bua tuetu kuya kusumba biakudia, anu tuetu baye ne Binyamine.

Genese 43:6

Yakobe kubakonka ne: — Munuvua bamuambile ne: tudi ne muakunyetu wa mukala mbishi? Nudi bangenzele bibi be.

Genese 44:23

Wewe kutuandamuna ne: Panuikala kanuyi bafike ne muakunyenu awu, kanufiki kabidi kunu to.

Genese 44:25

Pavua tatu utupingaja kuneku mbua kusumba biakudia,

Genese 44:26

tuetu kubenga, tumuambila ne: “Mulombodi wa bena Ejipitu kena mua kutusumbisha biakudia, patudi katuyi baye ne muakunyetu ewu.”

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.