Genese 42:9 - MUKANDA WA MYIDI MUKULU

⁹ Yozefe kuvuluka bilota bivuaye mulotele bana babu. Kubambilaye ne: — Nuenu nudi batentekedi. Nudi bafike munemu bua kumanya miaba ya kubuelela ne mvita mu ditunga edi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yosefe wakavuluka bua bilota biandi biakabaloteleye, yeye wakabambila ne, Nudi batentekedi, nuakuluila bua kutangila ne buloba budi butuhu.

Genese 42:9 교차 참조

Genese 37:11

Bana babu ne Yozefe kumunwuila lubabu. Kadi tatuende uvua anu uvuluka misangu mivule bilota abi.

Genese 42:16

Nanku tumayi muntu umue wa kunudi, aye kumukeba. Kadi nuenu badi bashale, nubuele mu nzubu wa lukanu. Ke mundi mua kujadika ne: binudi bambe mbia bushuwa. Padibi kabiyi nanku, ndi njadika ne mutshipu ne: bu mudi mukalenga wa bena Ejipitu ne muoyi, nudi batentekedi.

Genese 42:34

Kadi nupingane ne muakunyenu wa mukala udi mushale, bua meme kujadika ne: kanuena batentekedi, kadi bantu ba nsongu. Pashishe, nendekele muanenu Shimeyone undi mukuate lukole. Nanku nenumone mua kuendakana mu ditunga emu bua kusumba bintu bienu.”

2 Samuele 10:3

balombodi ba mu bukalenga bua bena Amone kuambila mfumuabu Anune ne: — Udi wela meji ne: Davide mmutume balombodi ba mu bukalenga buende anu bua kukusamba bua lufu lua tatuebe anyi? Mmubatume bua kutentekela tshimenga etshi, bua kutshikuatabu dituku dikuabu.

Ekesode 32:35

Maweja-Nangila kukengesha bena Izrayele, bualu bavua bambila Arone bua kubenzela lupingu lua kana ka ngombe.

Dibadika 13:2

— Usungule mukulu umue ku tshisamba tshionsu tshia bena Izrayele. Utume bakulu aba bua batentekele ditunga dia bena Kenaane, dindi mpesha bena Izrayele.

Luke 20:20

Nanku kutuadijabu kutentekela Yezu. Ke kumutuminabu bantu bamueneka bu bantu ba muoyi muimpe. Kadi bantu aba bavua bakeba kuteya Yezu ku dimukonka bualu, bua bamone mua kumufila mu bianza ne ku bumfumu bua mulombodi wa buloba abu.

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Yoshua 6:23

Batentekedi kuya ku nzubu wa Rakabe. Kumupatulabu ne baledi bende, bana babu ba balume, ba bakaji, ne bena diku diabu bonsu. Kubalamabu muaba musunguluke uvua kauyi mu mitanda ya bena Izrayele to.

Balombodi 1:24

Bantu bakuabu batume, kumonabu muntu upatuka mu tshimenga atshi. Kumulombabu ne: — Utuleje muaba wa kubuelela mu tshimenga etshi. Nanku netukuenzele bimpe.

1 Samuele 26:4

Kutumaye bantu bua kujadika bualu abu. Kumujadikilabu ne: Shawule mmumane kufika.