Genese 42:20 - MUKANDA WA MYIDI MUKULU

²⁰ Pashishe nuenu bafike ne muakunyenu udi mushale awu, nenjadike ne: nudi nuamba bulelela. Nanku kanuakufua to. Bana babu kuanyisha muvuaye wamba amu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nu hingane ne muanʼenu, muanʼa mukala kundi, nunku mei enu neajalame, kanuena nufue. Bobo bakitabusha.

Genese 42:20 교차 참조

Genese 42:15

Kadi ndi musue kunuteta. Ndi nditshipa ne: bu mudi mukalenga wa bena Ejipitu ne muoyi, kanuena mua kumuka mu ditunga edi, muanenu muana wa mukala awu kayi mufike to.

Genese 42:19

Panuikala bantu ba nsongu, nuanyishe bua muntu umue wa kunudi ashale mu lukanu emu. Kadi bakuabu bonsu baye ne ntete ya kuenza bukula ku Kenaane, bua kuyipesha bena meku enu badi bafua nzala.

Genese 42:26

Bana babu ne Yozefe kuambuisha tumelu tuabu bibombi bia ntete ya kuenza bukula abi, kupingana ku Kenaane.

Genese 42:33

Mulombodi awu uvua musue kujadika mutudi bantu badi bamba malu malelela. Kutuambilaye ne: “Bua meme kujadika ne: nudi nuamba malu malelela, ndi nkuata muanenu umue lukole. Bakuabu bonsu baye ne ntete ya kuenza bukula ku Kenaane bua kupesha bena meku enu, bualu badi bafua nzala.

Genese 42:34

Kadi nupingane ne muakunyenu wa mukala udi mushale, bua meme kujadika ne: kanuena batentekedi, kadi bantu ba nsongu. Pashishe, nendekele muanenu Shimeyone undi mukuate lukole. Nanku nenumone mua kuendakana mu ditunga emu bua kusumba bintu bienu.”

Genese 43:19

Nanku kusemenabu kudi muena mudimu wa Yozefe uvua mu mushiku wa mbelu, bamuambila ne:

Genese 43:3

Yuda kuandamuna tatuende ne: — Mulombodi wa ditunga dia Ejipitu uvua mutudimuja, wamba ne: panuikala kanuyi bafike ne muakunyenu wa mukala awu, kanufiki kabidi kundi to.

Genese 43:5

Kadi wewe mubenge, katuena tuya mu Ejipitu to. Bualu mulombodi uvua mutuambile ne: “Panuikala kanuyi ne muakunyenu wa mukala awu, kanufiki kabidi kundi to.”

Genese 44:21

Uvua mutulombe bua tufike ne muanetu awu bua wewe kumumona.

Genese 44:23

Wewe kutuandamuna ne: Panuikala kanuyi bafike ne muakunyenu awu, kanufiki kabidi kunu to.

Genese 6:22

Nowa kuitaba, kuenza bionsu bivua Mvidi Mukulu mumuambile.

Yowanane 2:5

Mamuende wa Yezu kuambila bena mudimu ne: — Nuenze muonsu muanuambilaye.