Genese 41:8 - MUKANDA WA MYIDI MUKULU

⁸ Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Dinda adi mutshima wandi wakabanga kubungama, wakatuma dî, Wakabikila bena majimbu ne bena meji bonso ba mu Ejipitu, Palô wakabamanyisha bilota biandi, kadi nansha umue wabo wakamanya mua kujinguluila Palô bilota biandi.

Genese 41:8 교차 참조

Genese 40:6

Butshia dinda, Yozefe ufika bua kubatangila, kubasangana babungame.

Genese 40:8

Kumuandamunabu ne: — Tudi balote bilota, kadi tudi bapange muaba ewu muntu udi mua kutujinguluilabi. Yozefe kubambila ne: — Mvidi Mukulu nkayende ke udi mumanye mua kujingulula bilota. Kadi ndondelayi munudi balote.

Genese 41:15

Mukalenga kuambila Yozefe ne: — Ndi mulote ndota. Kakuena muntu udi mua kuyinjinguluila. Kadi ndi mumvue ne: wewe udi mumanye mua kujingulula ndota.

Genese 41:24

Miepu ivua mifubidile ayi, kuminayi miepu muanda mutekete ivua ne mubidi muimpe. Nkadi mumane kuawila bena majimbu ndota ayi. Kabena banjinguluila to.

Genese 41:7

Miepu ya mponda muanda mutekete ivua mifubisha kudi lupepela ayi, kuminayi miepu ya mponda muanda mutekete ivua ne mubidi muimpe. Ke mukalenga kutabuluka ku tulu, kujadika ne: ndi mulote bilota.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Ekesode 7:11

Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi.

Ekesode 7:22

Benji ba bilengulengu kuenza pabu tshishima atshi ku majimbu abu. Nanku mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu mu-vua Maweja-Nangila mudianjile kuamba.

Ekesode 8:7

Ndimba neyipatuke mu nzubu muebe, mua balombodi ba mu bukalenga buebe ne mua bantu bebe bonsu. Neyishale anu mu musulu wa Nile.

Ekesode 9:11

Bena majimbu ba bena Ejipitu kupanga mushindu wa kumonangana ne Moshe, bualu bavua ne maputa bu bena Ejipitu bonsu.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 29:14

Kadi nengenze kabidi malu adi atshikemesha. Meji a bena meji batshi, neashikile. Lungenyi lua bena lungenyi batshi, nelujimine.”

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.

Danyele 4:18

Mutshi awu wa mabeji mimpe uvua mukuame bimuma bia bungi, bivua bantu bonsu mua kudia kuukuta. Nyama ya mu mpata ivua ilala mu dileji diawu, nyunyi ivua mibake masua ayi mu matamba awu.

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Danyele 4:5

Katupa kipi kapita, Daniyele kabidi kufika kuanyi. Ke muntu udibu binyika kabidi ne Beltashare, dina difuma ku dina dia mvidie wanyi. Daniyele udi ne mueyelu wa mvidie ya tshijila. Meme kumuambila ne:

Danyele 4:6

Beltashare, mfumu wa babuki ba mbuku, ndi mumanye ne: udi ne mueyelu wa mvidie ya tshijila. Nanku kakuena bualu busokome budi mua kukukolela. Unjinguluile tshilota.

Danyele 4:7

Pamvua mulale mu bulalu buanyi, mvua mulote nenku: Mutshi mule uvua muimane kulu munkatshi mua buloba.

Danyele 5:11

Kudi muntu mu bukalenga buebe udi ne mueyelu wa mvidie ya tshijila. Mu tshikondu tshia tatuebe, bakasangana muntu awu muikale udianza kumona malu, muikale ne lungenyi ne meji bu bidi mvidie nabi. Ke pavua tatuebe, mukalenga Nebukadnesare, mumuteke mfumu wa babuki ba mbuku, wa benji ba majimbu, wa bena bilengulengu ne bajinguludi ba malu a mitotu.

Danyele 7:28

“Apa ke ndekelu wa bualu ebu. “Meme Daniyele, mvua mukuatshike bowa bua bungi. Mpala wanyi kutokoloka. Meme kutuluka bualu ebu diba dionsu mu muoyi wanyi.”

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Lewitiki 19:31

“Kanubuelakanyi ne bantu badi babuka bua kumvua tshidi bakishi bamba. Nuenu benze nanku, nenupie mikiya. Bualu meme ndi Maweja-Nangila Mvidi Mukulu wenu.

Lewitiki 20:6

“Padi muntu ubukisha lubuku lua mishindu yonsu, bua kumvua mudi bakishi bamba, udi mufuanangane ne muntu udi utendelela mvidie. Nanku nemmunyoke, mmuipate munkatshi mua bena Izrayele.

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Matayi 2:1

Kulelabu Yezu mu musoku wa Betleyeme, mu ditunga dia Yudeya. Tshikondu atshi Erode ke uvua mukalenga wa ditunga. Bamane kulela Yezu, bena meji, bavua balonge malu a mitotu bikole, kufikabu mu tshimenga tshia Yerushalayime, batumine luseke ludi diba dipatukila.

Bienzedi 17:18

Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne: — Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika, bavua bamba ne: — Bidi bimueneka ne: udi ulongesha malu a mvidie ya bantu ba bisamba bikuabu.

Bienzedi 7:22

Ke muvuabu balongeshe Moshe malu onsu avua bena Ejipitu bamanye. Kuenzaye muntu uvua mumanye mua kuakula ne kulongolola malu.

1 Korente 1:19

Ke padi Mukanda wa tshijila wamba ne: “Nembutule meji a bena meji, nembenge dimanya dia bena lungenyi.”

1 Samuele 6:2

Pashishe bena ditunga adi kukonka batuangaji babu ne bena mbuku ne: — Mushete wa Maweja-Nangila, tuenze nawu tshinyi? Nutuleje mushindu utudi mua kuupingaja mu ditunga diawu.