Genese 41:51 - MUKANDA WA MYIDI MUKULU

⁵¹ Yozefe kuinyika muanende muanabute ne: Menashe, wamba ne: “Mvidi Mukulu mmumpe tshipua muoyi bua makenga anyi, ne bua dishiyangana dianyi ne bena kuetu.”

Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Yosefe wakidika muanʼa bute dina ne, Manashe; bualu bua yeye wakamba ne, Nzambi wakumpuisha muoyo bua mudimu wanyi mukole ne bua bonso ba mu nsubu wa tatuʼanyi.

Genese 41:51 교차 참조

Genese 41:30

Kadi bidimu bikuabu muanda mutekete bidi bilonda, biakudia bionsu nebijike. Bantu kabakuvuluka kabidi ne: tuvua ne biakudia bivule mu Ejipitu to. Tshiyole tshikole tshia nzala atshi netshibutule ditunga.

Genese 41:50

Tshiyole tshia nzala katshiyi tshianji kuenzeka, Yozefe kulela bana ba balume babidi ne mukajende Asnate, muana wa Potifera, mutuangaji wa mu tshimenga tshia One.

Genese 41:52

Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Genese 48:1

Malu onsu aa mamane kujika, kumanyishabu Yozefe bua disama dia tatuende. Yozefe kuangata bana bende ba balume babidi: Efrayime ne Menashe, kuya nabu.

Genese 48:5

Yakobe kuamba kabidi ne: — Mpindiewu, ndi ngangata Efrayime ne Menashe, bana bebe baudi mulele, meme tshiyi muanji kufika mu Ejipitu, bua bikale bana banyi meme, amu bu Rubene ne Shimeyone.

Yobe 11:16

Kuakuvuluka makenga ebe a kale to. Neikale bu mayi a musulu mamane kupueka.

Misambu 30:11

Maweja-Nangila, teleja, umfuile luse. Maweja-Nangila, ungambuluishe.

Misambu 30:5

Nuenu bantu ba Maweja-Nangila, mutumbishayi ne misambu, numusamune, mwuluke mudiye wa tshijila.

Misambu 45:10

Bana ba bakaji ba bamfumu badi bannyungulukila. Ku diebe dia balume kudi mukalenga mukaji, muvuale bilengejilu bia mpawungi muimpe.

Nsumuinu 31:7

Bualu padibu banue maluvu bakuatshike, nebapue makenga abu ne bupele buabu muoyi.

Yeshaya 57:16

Bualu tshiena ntandisha bantu banyi, tshiena mbafikila munda kashidi. Tshianana bantu banyi bonsu bandi mufuke, nebajimine kashidi.

Yeshaya 65:16

Bantu badi basue kujingila bakuabu diakalenga mu ditunga, nebabele lupemba, batela amu dina dia Mvidi Mukulu umue, udi ukumbaja malaya ende. Bantu badi basue kulaya malaya, nebaalaye batela amu dina dia Mvidi Mukulu umue udi ukumbaja malaya ende. Maweja-Nangila udi wamba ne: Eyowa, makenga a kale bantu kabakuavuluka kabidi to. Neajimine ku mesu anyi.

Dibadika 26:28

Tshisamba tshia Menashe ne tshia Efrayime, ke ndelanganyi yonsu ya Yozefe.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”

Yoshua 14:4

Bualu ndelanganyi ya Levi kayivua ne bua kupeta buloba nansha bukese to. Ku ndelanganyi ya Yozefe kuvua bisamba bibidi ebi: tshia Menashe ne tshia Efrayime. Kadi bena Levi bavua bapeta anu bimenga bia kuasamu, ne maloba a kumpenga kua bimenga ebi bua kudishamu bimuna, ne kutekamu bintu biabu bikuabu.

Yoshua 17:1

Ndelanganyi ya Menashe, muanabute wa Yozefe, kupetayi wayi muaba. Bakavua bamane kupesha ndelanganyi ya Makire, muanabute wa Menashe, tshilobu tshia mvita, muikale kabidi tatuende wa Ngilaade, tshitupa tshia buloba: ke ditunga dia Ngilaade ne dia Bashane, luseke ludi diba dipatukila lua Yardene.

1 Samuele 1:20

Ke Ane kuimita difu, kulela muana wa balume. Ane kuamba ne: — Muana ewu ndi mmuinyika ne: Samuwele, bu alu ndi mumulomba kudi Maweja-Nangila.