Genese 41:37 - MUKANDA WA MYIDI MUKULU

³⁷ Mukalenga wa bena Ejipitu ne balombodi ba mu bukalenga buende, kuitaba bionsu bivua Yozefe mubambile.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bualu ebu buakadi buimpe ku mesu kua Palô ne ku mesu kua bantu bandi bonso.

Genese 41:37 교차 참조

Genese 41:36

Biakudia abi nebiambuluishe bantu badi mu Ejipitu mu bidimu muanda mutekete bia tshiyole. Nzala kayakubutula bantu to.

Genese 41:38

Mukalenga kuambila balombodi ne: — Muntu ewu udi muwule ne Mueyelu wa Mvidi Mukulu. Katuena mua kupeta muntu mukuabu udi mupite Yozefe to.

Genese 45:16

Mukalenga wa bena Ejipitu kumvua lumu lua difika dia bana babu ne Yozefe. Kusankaye pamue ne balombodi ba mu bukalenga buende.

2 Samuele 3:36

Bantu bonsu kumanya bualu abu, kusanka. Misangu yonsu bantu bavua banyisha bivua Davide wenza.

1 Bakalenga 21:2

Dituku dikuabu, mukalenga Akabe kuambila Nabote ne: — Umpe budimi buebe bua mvinyo ebu, bua meme kuenzamu budimi bua biseki. Bualu budimi ebu budi pabuipi ne nzubu wanyi wa bukalenga. Nenkupe budimi bukuabu bua mvinyo buimpe bupite buebe ebu. Anyi ndi mua kukusumba budimi ebu, pawikala musue.

Misambu 105:19

too ne pakakumbana miaku ivua Maweja-Nangila mumuambile, umujadikila muikalaye.

Nsumuinu 10:20

Miaku ya muntu udi utshina Mvidi Mukulu mmipite tshiamu tshitoke tshia mushinga mukole. Tshidi muntu mubi wela meji katshiena ne mushinga to.

Nsumuinu 25:11

Muaku muimpe muambe pa bualu udi ne mushinga bu mudi tshintu tshivuabu basonga ne tshiamu tshia mpawungi, batshiteka pa dilonga dia tshiamu tshitoke tshia mushinga mukole.

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

Yoshua 22:30

Mutuangaji Pinase, balombodi ba bena Izrayele, ne bamfumu ba meku a bena Izrayele, bavua ne disanka bua bionsu bivuabu babambile kudi bena Rubene, bena Ngade, ne kudi bena Menashe.