Genese 41:14 - MUKANDA WA MYIDI MUKULU

¹⁴ Mukalenga kubikidisha Yozefe. Kumupatulabu lukasa mu nzubu wa lukanu. Yozefe kubeya miedi, kushintulula bilamba, kuya kudileja kudi mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe Palô wakatuma di, Wakabikila Yosefe, bakamuhatula mu nsubu wa midima lubilu, yeye wakadibeya muedi wandi, wakaluata bilulu bikuabo, wakaya kudi Palô.

Genese 41:14 교차 참조

2 Samuele 19:24

Mukalenga Davide kuambila Shimeyi ne: — Ndi nditshipa ne: kabena mua kukushipa to.

2 Bakalenga 25:29

Kukandikabu Yowakine bua kavuadi kabidi bilamba bia bena lukanu to. Nanku, Yowakine kutuadija kudia ku mesa ne mukalenga wa bena Babilone.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Ekesode 10:16

Mukalenga wa bena Ejipitu kubikila Moshe ne Arone lukasa wamba ne: — Ndi muenzele Maweja-Nangila Mvidi Mukulu wenu bibi ne nuenu kabidi!

Muambi 4:14

Bualu nsongalume udi mua kupatuka mu lukanu kushala mukalenga, nansha yeye muikale muntu uvua ulomba tshia pa luse mu ditunga amu, pavua mukuabu mumane kubuela mu bukalenga.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Danyele 2:25

Ariyoke kufila Daniyele pa lukasa kuvua mukalenga, umuambila ne: — Mukalenga, ndi mupete muntu udi mua kukujinguluila tshilota tshiebe. Udi wa ku tshisumbu tshia bena Yuda badibu bakuate, bafike nabu kuneku ku bupika.