Genese 4:9 - MUKANDA WA MYIDI MUKULU

⁹ Maweja-Nangila kukonka Kayine ne: — Muanenu Ebele udi penyi? Kayine kuandamuna ne: — Tshiena mumanye. Meme ndi mulami wa muanetu anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wakakonka Kana ne, Muakunyʼebe Ebele udi kudi kunyi? Yeye wakamba ne, Tshiena mumanye, ndi mulami wa muakunyʼanyi, anyi?

Genese 4:9 교차 참조

Genese 37:26

Yuda kukonka bana babu ne: — Tuetu bashipe muanetu ewu, basokoke bualu ebu, netupete tshinyi?

Genese 37:32

Kutshitumabu kudi tatuabu ne mukenji, bamba ne: “Kenketa tshilamba tshitudi bangule etshi. Ntshifuanangane ne tshinkutu tshia muanebe Yozefe anyi?”

Genese 4:10

Maweja-Nangila kuebeja ne: — Udi muenze nanku bua tshinyi? Muadi wa mashi a muanenu wafiki kundi ufumina pa buloba.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

Misambu 9:13

Udi unyoka bashipianganyi, uvuluka bavuabu bakengesha. Kena upua muoyi bena dikenga badi bamubikila.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.