Genese 4:14 - MUKANDA WA MYIDI MUKULU

¹⁴ Lelu udi ungipata pa buloba. Ndi nya kusomba mutantshi mule nebe. Nenshale muendakanyi. Muntu yonsu ungasangila nende neanshipe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mona, wewe wakungihata lelu ha buloba, nengikale musokome ku mesu kuebe, nengikale munyemi ne muena tshiendenda ha buloba, ne hashishe yonso wansangana neanshihe.

Genese 4:14 교차 참조

Genese 3:24

Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

Genese 4:13

Kayine kuambila Maweja-Nangila ne: — Dinyoka diudi mumpe ndipite bukole.

2 Samuele 14:7

Pashishe bena diku bonsu mbansangidile, bangamba ne: “Tupeshe mushipianganyi. Tumushipe bua kusombuela muanabu udiye mushipe. — Nanku nembutule kabidi mupianyi wa bintu udi mushale ne muoyi”. Bena diku mbasue kuenza nanku bua kushipa muana ewu wa ndekelu umvua mushala mutekemena. Kabidi mbasue bua dina dia bayanyi dijimine pa buloba.

Misambu 109:10

Bana bende ba balume bikale balalakanyi, ne bena lulombu, babipate muaba udi nzubu yabu, mishale bibuwa.

Misambu 109:12

Muntu kamufuidi luse to, kafuidi nshiya yende luse to!

Misambu 143:7

Maweja-Nangila, ungitabe lukasa, ndi mushikile. Kundekedi, tshianana nemfue.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Yeshaya 8:22

nebatangile panshi, kadi nebamone amu dibungama, midima ne makenga. Nebabuele mu midima idi yenza bowa.

Yirmeya 52:3

Malu avua menzeke mu Yerushalayime ne mu bukalenga bua Yuda tshikondu atshi, avua ajula tshiji tshia Maweja-Nangila. Nanku Maweja-Nangila kavua muanyishe bantu bende kabidi to. Ke Sedekiya kutombokela Nebukadnesare mukalenga wa mu Babilone.

Osheya 13:3

Nanku, bena Efrayime nebajimine, bu dibungi dia mu dinda, bu lumuma ludi lujika ku bisosa, bu bisote bipepula kudi mvunda, bibuka muaba udibu bashipuila ntete, nansha bu muinshi, upatukila mu musonga wa nzubu.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Dibadika 35:19

Nanku muntu udibu bateka bua kumusombuela, papetaye mushipianganyi awu, amushipe pende.

Dibadika 35:21

nansha mumushipe ku mituutu, mushipianganyi awu mmuena tshibawu. Pamupetabu kudi musombuedianganyi, neamushipe pende.

Dibadika 35:27

musombuedianganyi mumupete, udi mua kumushipa. Kakuena tshilumbu to.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Dielulula 28:65

Munkatshi mua bisamba bia bende abi, kanuakuikala ne dikisha to. Kanuakuikala ne muaba wa kusomba to. Nanku Maweja-Nangila neanukengeshe bikole. Nenuikale ne kanyinganyinga mu mioyi yenu. Mesu enu kaakumona bimpe to. Nenuikale ne bowa, nuteketa mu maboku.

2 Tesalonike 1:9

Nebapete dinyoka, babutuka kashidi. Kabakumonangana ne Mfumu; kabakumona bukole ne butumbi buende.