Genese 39:1 - MUKANDA WA MYIDI MUKULU

¹ Bena Ismayele kufika ne Yozefe mu Ejipitu kumusumbisha kudi muena Ejipitu diende Potifare. Mukalenga wa bena Ejipitu uvua mutekemene bikole Potifare ewu. Potifare uvua kabidi mulombodi wa bena mvita ba mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bakaya ne Yosefe mu Ejipitu, ne Potifa, kamanda ka masalayi a Palo, Muena Ejipitu, wakamusumba ku bianza bia Bena Yishemaele, bakalua nʼandi.

Genese 39:1 교차 참조

Genese 37:25

Pashishe kusombabu bua kudia. Bakenzakana, kumonabu tshisumbu tshia bena Ismayele, bafuma ku ditunga dia Ngilaade baya ku Ejipitu. Tumelu tuabu tuvua tuambule manananshi a mupuya muimpe a mishindu mishilangane.

Genese 37:28

Pamonubu bangenda mushinga ba bena Madiyane bapita, kupatulabu Yozefe mu tshiina, kumusumbishabu kudi bena Ismayele ku nkanu ya tshiamu tshitoke tshia mushinga mukole makumi abidi. Bena Ismayele kuya nende mu Ejipitu.

Genese 37:36

Bena Madiyane kusumbisha Yozefe mu Ejipitu kudi Potifare, muntu uvuabu batekemena bikole kudi Mukalenga wa bena Ejipitu. Uvua kabidi mulombodi wa bena mvita bende.

Genese 40:3

Kubeleshaye mu nzubu wa lukanu, kua Potifare, mu nzubu muvuabu balamine Yozefe.

Genese 45:4

Yozefe kubambila ne: — Semenayi pabuipi nanyi. Basemena, kudimanyishaye, wamba ne: — Meme ndi muanenu Yozefe, unuvua bapane bua baye nanyi mu Ejipitu.

Misambu 105:17

Kadi kutumaye muntu umue, bua kudianjidilaye kumpala kuabu, muntu awu ke Yozefe uvuabu basumbishe ku bupika.

Bienzedi 7:9

Bankambua kutekela Yozefe lubabu, kumupana bua ashale mupika mu Ejipitu. Kadi Mvidi Mukulu uvua nende.