Genese 38:5 - MUKANDA WA MYIDI MUKULU

⁵ Pashishe mukaji awu kuimita kabidi difu, kulela muana muisatu wa balume, kumuinyika dina dia Shela. Kadi musangu awu Yuda kavua kumbelu to. Uvua muye ku Kezibe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakimita difu dikuabo, wakalela muana wa balume, wakamuidika dina ne, Shela, hakamuleleleye wakadi mu musoko wa Keziba.

Genese 38:5 교차 참조

Genese 38:11

Ke Yuda kuambila Tamare, mukaji wa muanende Ere, ne: — Uye kusomba kuenu kua tatuebe, too ne pakola muananyi wa balume Shela bua akupiane. Tamare kuya kuabu. Yuda uvua mumushe Tamare, bua muanende wa balume Shela kavu kufua muvua bakulu bende bafue.

Genese 38:26

Yuda umona bintu abi, kubimanyaye. Kuambaye ne: — Mukaji ewu mmunemeke mikenji, mmuenze bimpe, mumpite ne meme mene. Bushuwa uvua ne bua kuikala mukaji wa muananyi Shela. Nanku ndi muenze bibi padi muananyi kayi mumupiane. Kashidi Yuda kena mubuelele kabidi Tamare mu nzubu to.

Genese 38:6

Yuda kuselela muanende muanabute Ere mukaji. Dina dia mukaji awu divua Tamare.

Genese 46:12

Yuda uvua mulele bana ba balume basatu: Shela, Perese ne Zera. Kadi bana bakuabu ba balume ba Yuda, Ere ne Onane, bakavua bafuile mu Kenaane. Perese uvua mulele bana ba balume babidi: Esrone ne Amule.

1 Kulondolola 2:3

Yuda uvua ne mukaji, muana wa Shuwa, wa bena Kenaane. Bavua balela nende bana basatu, mena a bana abu adi nenku: Ere, Onane ne Shela. Kadi Ere muanabute kufikisha Maweja-Nangila munda bua bubi buvuaye muenze. Maweja-Nangila kumushipa.

1 Kulondolola 4:21

Ndelanganyi ya Shela, muana wa Yuda, ivua nenku: Ere uvua muase tshimenga tshia Leka. Lada uvua muase tshimenga tshia Maresha. Leka uvua kabidi nkambua wa bena meku a badi benza bilamba bia buanda bua ndanda: ke bavua basombe ku Bete-Ashebeya.

Dibadika 26:19

Tshisamba tshia Yuda tshivua ne meku aa: diku dia bena Shela, ndelanganyi ya Shela; dia bena Perese, ndelanganyi ya Perese; dia bena Zera, ndelanganyi ya Zera. Kadi, bena Perese bavua basangisha kabidi diku dia bena Esrone, ndelanganyi ya Esrone; ne dia bena Amule, ndelanganyi ya Amule. Bana bakuabu ba Yuda babidi, Ere ne Onane, bavua bafuile mu ditunga dia Kenaane.