Genese 37:15 - MUKANDA WA MYIDI MUKULU

¹⁵ Yozefe ufika mu mpata, kupambukaye mu njila. Muntu kampande kumukonka ne: — Udi ukeba tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mulumiana wakamusangana ne, mona, wakadi wendakana mu tshisuku, wakamuebesha ne, Udi ukeba tshinyi?

Genese 37:15 교차 참조

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Genese 37:14

Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

Genese 37:16

Yozefe kuandamuna ne: — Ndi nkeba bana betu. Udi mua kundeja muaba udibu badishila bimuna anyi?

2 Bakalenga 6:19

Pashishe, muambi Elisha kuambila bena mvita abu ne: — Nudi bapambuke njila. Kabena banutuma mu tshimenga etshi to. Nundonde, bua mufikishe kudi muntu unudi nukeba. Kadi muambi Elisha kuya nabu mu tshimenga tshia Samariya.

Yowanane 1:38

Yezu ukudimuka, kubamonaye bamulonda. Kubakonkaye ne: — Tshinudi nukeba ntshinyi? Bobu kumuandamuna ne: — Rabi (mmomumue ne “Mulongeshi”), utu usomba penyi?

Yowanane 18:4

Yezu uvua mumanye bionsu bivua ne bua kumuenzekela. Ke kusemenaye kuvuabu, kubebeja ne: — Unudi nukeba nnganyi?

Yowanane 18:7

Ke Yezu kubakonka tshiakabidi ne: — Unudi nukeba nnganyi? Kuambabu ne: — Yezu wa mu Nazarete.

Yowanane 20:15

Yezu kumukonka ne: — Mukaji, tshiudi udidila ntshinyi? Uudi ukeba nnganyi? Mariya uvua muele meji ne: mmuena mudimu wa mu lupangu alu. Ke kumuambaye ne: — Ne ngwewe udi mumumbushe, ungambile kuudi mumuteke, nye kumuangata kabidi.

Yowanane 4:27

Diba adi balongi ba Yezu kufika. Kukemabu pavuabu bamusangana uyukila ne mukaji. Kadi muntu wa kudibu nansha umue kavua mukimine kumukonka ne: “Tshiudi ujinga kudi mukaji ewu ntshinyi?” nansha ne: “Udi uyukila nende bualu kaayi?”

Balombodi 4:22

Diba adi Barake, uvua wenda ulondakaja Sisra, kufika. Yayele kupatuka bua kusambakena nende, umuambila ne: — Vuila apa, nkuleje muntu uudi ukeba. Barake kubuela mu ntenta, kusangana Sisra mutandabale panshi mufue, mutu mutubula kudi mulonda musongoloke wa ku ntenta.