Genese 34:1 - MUKANDA WA MYIDI MUKULU

¹ Dituku dikuabu Diina, muana wa bakaji uvua Yakobe mulele ne Leya, uvua muye kumonangana ne bakaji nende ba mu ditunga dia Kenaane.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dina, muana mukashi wa Lea wakaleleleye Yakoba, wakaya bua kumoneye bana ba bakashi ba mu buloba abu.

Genese 34:1 교차 참조

Genese 26:34

Esawu mumane kukumbaja bidimu makumi anayi, kuselaye bakaji babidi: Yehudite, muana wa Beri, muena Iti, ne Basmate, muana wa Elone, muena Iti kabidi.

Genese 27:46

Ke Rebeka kuambila Izake ne: — Panu mpantonde, bualu bua bakaji ba bena Iti, badi muananyi Esawu musele. Kadi bu Yakobe mua kusela kabidi mukaji wa bena Iti, ndi mua kufua.

Genese 28:6

Esawu kumona ne: Izake mmulayangane ne Yakobe, mumutume ku Mezopotamiya bua kusela mukaji, mumukandike bua kasedi mukaji wa bena Kenaane.

Genese 30:13

Leya kuamba ne: — Ndi muena diakalenga, bualu bakaji nanyi nebambikile ne: mmuena diakalenga. Kuinyikaye muana awu dina ne: Ashere.

Genese 30:21

Pashishe Leya kulela muana wa bakaji, diende Dina.

Genese 33:20

Kuasaye tshilambuilu muaba awu, kutshinyika ne: Ele, mmomumue ne Mvidi Mukulu wa bena Izrayele.

Genese 46:15

Aba ke bana bonsu ba balume bavua Leya mulele ne Yakobe mu Mezopotamiya. Uvua mulele kabidi muana wa bakaji, Diina. Bana bonsu ba Yakobe ne Leya, pamue ne bana bavuabu balele ne bikulu babu, bavua makumi asatu ne basatu.

Yirmeya 2:36

Nudi nutua eku ne eku, nukeba kutua ndondu ne matunga a bende. Kadi bena Ejipitu nebanufuishe bundu, muvua bena Ashure banufuishe bundu.

1 Timote 5:13

Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

Tite 2:5

Babalongeshe mudibu mua kuikala bena meji, ba munda mutoke, badi bakuata midimu ya nzubu ne mankenda. Bikale kabidi bantu ba muoyi muimpe, badi batumikila babayabu, bua muntu kapendi muaku wa Mvidi Mukulu.