Genese 33:4 - MUKANDA WA MYIDI MUKULU

⁴ Ke Esawu kunyema lubilu kumupukila. Bonsu babidi kudila muadi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Esau wakaya lubilu bua kumuakidila, wakamuela tshituha ku nshingu, wakatuangana nʼandi mishiku, bakadila.

Genese 33:4 교차 참조

Genese 29:11

Pashishe Yakobe kupukila Rakele ne disanka, udila muadi, umuambila ne:

Genese 29:13

Labane mumane kumvua lumu lua difika dia Yakobe, muana wa muanabu wa bakaji, kuyaye lubilu bua kumuakidila. Kumupukilaye, kuya nende ku mbelu. Yakobe kulondela mansebende Labane bionsu bivua bimuenzekele abi.

Genese 32:11

Maweja-Nangila, tshiena mukumbanyine dikasa dimpe diwudi muntutshishe meme, muena mudimu webe, kuyi upungila. Bualu mvua musabuke musulu wa Yardene ewu anu ne dikombu. Kadi mpindiewu nkadi ne bintu bisumbu bibidi ebi.

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Genese 43:30

Yozefe kubuela lukasa mu nzubu wa kulala udila. Bualu uvua ne tshintekateka bua muakunyende uvuaye mumone.

Genese 43:34

Yozefe kufikisha kabidi ku mesa kuvua bana babu biakudia bivua ku ende. Kadi bivuaye mufikishe kudi Binyamine bivua bipite bia bana babu misangu itanu. Bonsu kunua maluvu, kukuatshika.

Genese 45:2

Yozefe kudila bikole. Muadi wende kumvuika kudi bena Ejipitu bonsu. Bavua bumvue bualu ebu ne mu nzubu wa mukalenga wa bena Ejipitu.

Genese 46:29

Yozefe kuangata ditempu diende, kuya mu Ngoshene bua kumonangana ne tatuende. Bamonangana, Yozefe kupukila tatuende, kudila musangu mule, mumuele mu tshitupa.

2 Samuele 14:33

Yowabe kuya kumanyisha mukalenga Davide bionsu bivua Absalome muambe. Mukalenga Davide kubikidisha Absalome. Absalome kuya lubilu, kudiela mpala panshi kumpala kua mukalenga. Ke mukalenga Davide kumupukila.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Yobe 2:12

Pavuabu bamutangidile pa bule, kabavua mua kumumanya kabidi to. Nanku, kudilabu, kupandabu binkutu biabu, kuelabu lupuishi mulu bua lubayile mu mutu.

Misambu 34:4

Tukobuelayi bonsu Maweja-Nangila. Tutumbishe tshiapamue lumu luende.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Bienzedi 20:37

Bonsu kudila miadi, kupukila Polu, bamutua mishiku bua kulayangana nende.

1 Samuele 20:41

Muena mudimu mumane kuya, Davide kupatuka muaba uvuaye musokome, kuinshi kua dibue. Kutuaye mpala panshi misangu isatu kumpala kua Yonatane. Pashishe, kupukilanganabu, badila muadi bikole.