Genese 30:2 - MUKANDA WA MYIDI MUKULU

² Yakobe kufikila Rakele munda, umuambila ne: — Meme tshiena Mvidi Mukulu udi mukukandike ne: kuledi to!

Mukanda wa Nzambi Dihungila Dikulukulu ne Dihungila Dihia-dihia 2003

² Yakoba wakadi ne Lakele tshiji, wakakonka ne, Meme ndi bu Nzambi udi mujidike munda muebe ne, Kuledi, anyi?

Genese 30:2 교차 참조

Genese 16:2

Sarayi kuambila Abrame ne: — Udi mumone ne Maweja-Nangila kena mumpeshe bana. Nanku angata mupika wanyi ewu, ikale mukajebe. Misangu mikuabu udi mua kundelela muana wa balume. Abrame kuitaba bivua Sarayi mumulombe.

Genese 20:18

Bualu Mvidi Mukulu uvua mukandike lulelu lua mukaji wa Abimeleke ne lua bakaji bakuabu ba mu diku dia Abimeleke, bualu bua tshilumbu tshia Sara, mukaji wa Abrahame.

Genese 25:21

Kadi bu muvua Rebeka muikale nkumba, Izake kutendelela Maweja-Nangila bua mukajende awu alele muana. Maweja-Nangila kuitaba dilomba adi. Rebeka kuimita difu dia bana ba mapasa.

Genese 29:31

Maweja-Nangila umona ne: Yakobe mmupite kunanga Rakele, kupeshaye Leya lulelu. Kadi Rakele uvua mushale nkumba.

Genese 31:36

Yakobe kufika munda, kutandisha Labane wamba ne: — Tshivua mukuenzele bualu bubi, nansha mubunde tshilumbu bua wewe kundondakaja mushindu ewu to.

Genese 50:19

Kadi Yozefe kubakolesha ku muoyi, wamba ne: — Kanutshinyi to. Meme tshiena Mvidi Mukulu to.

2 Bakalenga 5:7

Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Ekesode 32:19

Moshe ufika pabuipi ne muaba uvua bantu, kumonaye lupingu lua kana ka ngombe ka tshiamu tshia mpawungi, bantu balujila maja. Nanku, kufikaye munda bikole, kuimanshaye mabue avuaye nawu ku bianza kuinshi kua mukuna, mabue awu kukosekawu.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Marke 3:5

Yezu kubatangila bonsu ne tshiji, uvua kabidi ne kanyinganyinga bua muoyi mubi uvuabu nawu. Ke kuambilaye muntu awu ne: — Olola tshianza thiebe. Muntu kutshiolola, kuakanatshi.

Luke 1:42

Kuelaye diyi dikole ne: — Mvidi Mukulu mmukuele lupemba, bipite bia bakaji bakuabu bonsu. Muana uwalela udi kabidi wa diakalenga.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

1 Samuele 1:5

Kadi uvua upesha Ane dibulu dia munyinyi dinene, dipite dia Penina misangu ibidi, bualu Elkana uvua munange Ane bikole, nansha muvua Maweja-Nangila kayi mumupe bana.