Genese 30:14 - MUKANDA WA MYIDI MUKULU

¹⁴ Dimue dituku tshikondu tshia kunowa ntete ya kuenza bukula, Rubene kuya mu madimi bua kukebela mamuende Leya bimuma bia mutshi wa dinanga. Kumutuadilaye bimuma abi. Ke Rakele kulomba Leya ne: — Bu wewe musue, mpeshaku bimue bimuma bia mutshi wa dinanga, bidi muanebe mukutuadile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mu tshidimu tshia kuhuola blê, Lubena wakaya mu budimi, wakangula tumuma, wakalua nʼatu kudi mamuʼandi Lea Lakele wakambila Lea ne, Ndi nkutendekena ne, Umpeku tumuma tukuabo tua muanʼebe.

Genese 30:14 교차 참조

Genese 25:30

Esawu kumulomba ne: — Mpeshaku nsupu wa nkunde mukunze uudi mulamba, ndia, bualu mukana mmungume. (Ke padibu babikila Esawu ne: Edome, mmomumue ne: mukunzubile.)

Genese 30:15

Leya kuandamuna Rakele ne: — Wewe ukadi muangate bayanyi! Udi musue kuangata kabidi bimuma bia mutshi wa dinanga, bidi muananyi muntuadile bua tshinyi? Rakele kuandamuna ne: — Paudi umpesha bimuma abi, Yakobe neikale nebe butuku bua lelu.

Genese 30:16

Dilolu Yakobe ufuma ku budimi, Leya kuya kumuakidila, umuambila ne: — Lelu udi umbuelela mu nzubu, bualu nkadi mumane kufuta Rakele bimuma bia mutshi wa dinanga, bivua muananyi muntuadile, bua tuikale nebe butuku ebu. Yakobe kubuelela Leya mu nzubu butuku abu.

Musambu wa Solomo 7:13

Netuikale mu madimi a mvinyo dinda dionsu, netumone mudi mionji mimane kusampila, miele ntonga; mudi mitshi ya ngrenade miele nzeba. Muaba awu nenkuleje mundi nkunanga.

Yezekiyele 48:25

Bua bena Shimeyone nebutuangane ne bua bena Isakare.