Genese 3:19 - MUKANDA WA MYIDI MUKULU

¹⁹ Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Genese 3:19 교차 참조

Genese 18:27

Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 23:4

— Meme ndi muenyi munkatshi muenu. Numpeshe muaba, muenu munu, wa kujika muena kuanyi.

Genese 3:18

Buloba nebukumenene meba ne mingonga. Neudie bisekiseki bia mu lupangu.

Genese 5:5

Bidimu bia Adame pa buloba bidi nkama tshitema ne makumi asatu. Pashishe kufuaye.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Yobe 10:9

Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Yobe 19:26

Nansha mubidi wanyi mujima mumane kunyanguka, meme nkayanyi nendimuene Mvidi Mukulu ne anyi abidi!

Yobe 21:26

Kadi bonsu aba badi amu balala munda mua buloba, anu matuku makese, bikusu bikadi bibadia.

Yobe 34:15

nyama ne bantu, bionsu bivua ne bua kufua musangu umue. Muntu uvua ne bua kupingana amu lupuishi.

Yobe 4:19

Nanku, mmunyi mudiye kayi mua kudiwula bantu badi basomba pa nzubu ya pa buloba, bana bavuabu bafimba ne diima, badibu mua kudiata bu tunkenene.

Misambu 103:14

Yeye udi mumanye tshitudi, udi uvuluka ne tudi bafuka ne lupuishi.

Misambu 104:23

Nanku muntu udi upatuka, uya ku mudimu wende, uwenza ne ku dilolu.

Misambu 104:29

Paudi usokoka mpala webe, bidi bitshina, paudi ubinyenga mueyelu, bidi bifua, bipingana lupuishi kabidi.

Misambu 127:2

Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

Misambu 22:15

Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Misambu 22:29

Bualu Maweja-Nangila udi mukalenga wa bantu, udi ku mutu kua bukua bisamba!

Misambu 90:3

Udi upingaja bantu mu lupuishi, ubambila ne: “Pinganayi kunudi bafuma.”

Nsumuinu 21:16

Muntu udi umbuka mu njila wa bena meji, neaye kusomba lukasa kaba kamue ne bantu bafue.

Muambi 1:13

Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Muambi 1:3

Bantu badi batata bikole pa buloba bua kuenza mudimu. Kadi tshidibu bapeta ntshinyi?

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Muambi 3:20

Muntu ne nyama ku ndekelu nebiye muaba umue; nebipingane mu buloba, buvuabu babifuke nabu.

Muambi 5:15

Ndiakabi kaayi edi! Udi umuka pa buloba, amu muvuaye mufikepu! Mmuenze mudimu bua kupeta tshinyi? Amu lupepele!

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

Efeze 4:28

Nanku, muntu uvua wiba, alekele kuiba, akuate mudimu muimpe, bua kudidisha, ne bua amone mua kuambuluisha kabidi udi mu dikenga.

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

2 Tesalonike 3:10

Bualu patuvua kuenu aku, tuvua banuambile ne: “Udi kayi musue kukuata mudimu, alekele kudia!”

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.