Genese 3:13 - MUKANDA WA MYIDI MUKULU

¹³ Maweja-Nangila Mvidi Mukulu kuebeja mukaji ne: — Tshiwenzedi nanku ntshinyi? Mukaji kuandamuna ne: — Nyoka mmundinge, meme panyi kudia tshimuma.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yehowa Nzambi wakambila mukashi ne, Bualu ebu buwakuenza budi tshinyi? Mukashi wakamba ne, Nyoka wakundinga, nakudia.

Genese 3:13 교차 참조

Genese 12:18

Mukalenga wa bena Ejipitu kubikidisha Abrame, kumukonka ne: — Tshiudi mungenzele ntshinyi? Bua tshinyi kuena mungambile ne: Sarayi mmukajebe?

Genese 44:15

Yozefe kubakonka ne: — Nuvua benze nanku bua tshinyi? Kanuena bamanye ne muntu bu mundi emu udi ne bumfumu bua kujandula malu onsu anyi?

2 Samuele 3:24

Ke Yowabe kuya kudi mukalenga Davide, umukonka ne: — Udi muenze nenku bua tshinyi? Abnere mumane kufika, wewe kumulekela kuyaye!

1 Bakalenga 13:18

Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

Lewitiki 12:5

“Padi mukaji ulela muana wa bakaji, neashale ne mikiya mbingu ibidi, anu bu muyilaye mupie mikiya matuku ende a tshijila tshia bakaji. Kadi ashale kabidi nanku bua kudilongolola mu buvyele buende, too ne padi matuku makumi asambombu ne asambombu akumbana.

Yona 1:10

Yona kubajadikila kabidi ne: ndi nnyema Maweja-Nangila. Biitshi ba buatu bumvua nanku, kukuatshikabu bowa. Ke kukonkabu Yona ne: — Udi unyema Maweja-Nangila bua tshinyi?

Yowanane 18:35

Pilate kuandamuna ne: — Meme ndi muena Yuda anyi? Bena tshisamba tshienu ne bamfumu ba batuangaji mbakufile kundi. Tshiudi muenze ntshinyi?

Rome 7:11

Ke meyi ne mikandu kupetesha bubi njila, bua bubi bundenduishe, bumfikishe ku lufu ku meyi ne mikandu mene abi.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

1 Timote 2:14

Kabidi kabavua badinge Adame to, amu mukaji. Ke kutupaye ku diyi dia Mvidi Mukulu.

1 Samuele 13:11

Samuwele kumuebeja ne: — Tshiudi wenza muaba ewu ntshinyi? Shawule kuandamuna ne: — Ndi muenze nanku, bualu bena mvita bavua batuadija kunshiya, batangalaka. Wewe kuena mufike bu muuvua muambe to. Kabidi ndi mumanye ne: bena Peleshete mbadisangishe ku Mikmase.

1 Samuele 15:15

Shawule kuandamuna ne: — Bena mvita mbasungule nyama mimpe ya bena Amaleke, bafike nayi muaba ewu, bua kuyilambula Maweja-Nangila Mvidi Mukulu webe. Kadi bintu bikuabu bionsu tudi babishipe.