Genese 29:2 - MUKANDA WA MYIDI MUKULU

² Mu luendu alu, dituku dikuabu kumonaye tshiina tshia mayi mu mpata, tshibuikila dibue dia bujitu. Mayi awu ke avuabu banuisha mikoku. Bisumbu bia mikoku ne bia mbuji bisatu bivua muaba awu, bikishe.

Mukanda wa Nzambi Dihungila Dikulukulu ne Dihungila Dihia-dihia 2003

² Wakabandisha mesu andi, wakamona dina dia mai mu budimi ne bisumbu bia mikoko bisatu biakadi bilalaku, bualu bua bakadi banuishaku mikoko, ne dibue dinene diakadi ku mushiku wa dina dia mai.

Genese 29:2 교차 참조

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 24:11

Muena mudimu awu kufika pabuipi ne tshiina tshivua ku mpenga kua tshimenga dilolu, diba didi bakaji baya bua kusuna mayi. Kufuishaye tumelu binu panshi.

Genese 24:13

Mpindiewu ndi muimane ku mpokolu wa mayi. Bana ba bakaji ba bantu badi mu tshimenga nebafike bua kusuna mayi.

Genese 29:3

Bua kunuisha bimuna mayi, balami ba mikoku bavua bumusha dibue adi, basangisha bimuna bionsu muaba umue, babinuisha mayi. Pashishe bavua babuikila dibue adi kabidi ku tshiina.

Misambu 23:2

Udi umfila mu mpata ya bisosa bibishi, undadika talala pabuipi ne mayi.

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 4:6

Mu musoku awu muvua tshiina tshia mayi tshia Yakobe. Yezu uvua mupungile ne luendu. Kusombaye ku muelelu wa tshiina etshi. Diba dikavua bu pa dikumi ne ibidi ya munda munya.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

Balombodi 5:11

Pabuipi ne miaba ivua bimuna binuina mayi, bonsu bavua babanya mayi, bavua batumbisha Maweja-Nangila, bua bilenga bidiye muenzele bamfumu ba bena Izrayele, tshikondu tshi wa bena Izrayele badilongolola ku mvita, bimane ku biibi bia tshimenga.