Genese 28:12 - MUKANDA WA MYIDI MUKULU

¹² Pawaye mulale, kulotaye tshilota. Kumonaye tshibandilu tshitue mulu tshitue panshi. Batumibue ba Mvidi Mukulu bavua babanda bapueka ku tshibandilu atshi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakalota tshiota, wakamona tshibandilu tshi shimika hanshi ne mutu watshi wakateka to ne mu diulu ne mona banjelo ba Nzambi bakadi babandahu, bahuekahu:

Genese 28:12 교차 참조

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 15:12

Ku dilolu Abrame kulala tulu tukole. Bowa ne luzakalu kumuenzabi bikole.

Genese 20:3

Butuku abu, Mvidi Mukulu kumuenekela Abimeleke mu tshilota, kumutandisha ne: — Wewe udi mudikebele lufu bua mukaji wa bende uudi munyenge ku bukole.

Genese 41:1

Kupita bidimu bibidi, mukalenga wa bena Ejipitu kulota tshilota: uvua ku muelelu wa musulu wa Nile.

1 Bakalenga 19:5

Ke muambi Eliya kulala tulu panshi, muinshi mua mutshi wa ngenete awu. Kadi, mutumibue wa Mvidi Mukulu kufika, kumubisha, umuambila ne: — Juka, udie!

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Danyele 7:1

Tshidimu tshia kumpala tshia bukalenga bua Baltazare mu ditunga dia Babilone, Daniyele kulota. Pawaye mu bulalu, muoyi kumupampakana bikole, bua malu awa Mvidi Mukulu mumuleje. Pashishe Daniyele kufunda tshilota tshiende muvuaye mutshimone nunku:

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Matayi 2:19

Erode mumane kufua, mutumibue wa Maweja-Nangila kumuenekela Yozefe mu tshilota mu Ejipitu,

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.