Genese 27:35 - MUKANDA WA MYIDI MUKULU

³⁵ Izake kuambila Esawu ne: — Muakunyebe Yakobe mmufike kundi ne budimu bua bungi. Mbamujingidi diakalenga divua diebe wewe.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Yeye wakamuambila ne, Muakunyʼebe wakulua ne bu dimu wakumana kuangata disanka diebe.

Genese 27:35 교차 참조

Genese 27:33

Izake mukana kumukuata kapia, kukonkaye ne: — Uvua muntuadile munyinyi wa nyama wa mu bulembi, wewe kuyi muanji kufika nnganyi? Ndi mumane kudia bivuaye mundambile. Mbamuedi lupemba. Neashale nalu kashidi.

Genese 29:25

Butshia dinda, Yakobe umona Leya, kukemaye bikole! Kukonkaye mansebende Labane ne: — Udi mungenzele nanku bua tshinyi? Mvua mukuenzele mudimu bua kusela Rakele. Kadi wandingi bua tshinyi?

2 Bakalenga 10:19

Nanku, bikilayi bambi ba Baale bonsu, batendeledi ne batuangaji bende, bafike kundi bonsu. Muntu nansha umue wa kudibu kashadi to. Bualu ndi musue kuenzeja tshibilu tshinene, bua kulambula Baale milambu. Bantu bonsu badi kabayi bafike, nebabashipe. Yehu uvua wamba nanku ne budimu bua kushipa bantu bavua batendelela mvidie Baale.

Yobe 13:7

Nudi nuamba malu a dishima bua tshinyi? Nudi nuelangana meji ne ke bidi biambuluisha Mvidi Mukulu anyi?

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Malaki 2:10

Tuetu bonsu katuena bena tatu umue anyi? Mvidi Mukulu wa mumue ke udi mutufuke! Kadi tudi tuenzelangana malu mabi, tupula ndondu uwa Mvidi Mukulu mutue ne bankambua betu bua tshinyi?

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

1 Tesalonike 4:6

Mu bualu ebu, muntu kadingi muntu nende, kamuenzedi bibi. Tukadi bamane kunuambilambila, banubele bikole ne: Mfumu neanyoke badi benza malu a nanku.