Genese 26:31 - MUKANDA WA MYIDI MUKULU

³¹ Butshia dinda, kuditshipabu ku muntu ku muntu. Izake kulayangana nabu, kakuyi kadiwu.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bakabika ne dinda, bakahingana, Isaka wakabatuma kuabo, bakaya talala.

Genese 26:31 교차 참조

Genese 14:22

Abrame kuandamuna ne: — Ndi nditshipa kumpala kua Maweja-Nangila Mvidi Mukulu muena kulu, mufuki wa diulu ne buloba ne:

Genese 19:2

— Bakalenga banyi, bu nuenu basue, kanupitshi to. Tuyayi ku mbelu. Nowa mayi ku makasa, nulale. Patshiabu dinda nenutungunuke ne luendu luenu. Bobu kuandamuna ne: — Tudi tulala anu pambelu muaba utudi ewu.

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Genese 21:23

Nanku, uditshipe mpindiewu kumpala kua Mvidi Mukulu ne: tshiakuenzela Abimeleke, bana bende ne ndelanganyi yende bibi to. Kadi ungenzele meme, ne bena ditunga dianyi diudi usomba, bimpe mumvua mukuenzele.

Genese 21:27

Abrahame kupesha Abimeleke mikoku, mbuji ne ngomba. Bonsu babidi kutua ndondu.

Genese 22:3

Butshia Abrahame kujuka ne dinda dionsu, kuangata muanende Izake, bena mudimu bende babidi, mpunde wende ne nkunyi. Kuyaye muaba uvua Mvidi Mukulu mumuambile bua kulambula mulambu.

Genese 25:33

Yakobe kuandamuna Esawu ne: — Nanku anji kuditshipa ne: Ndi mpesha Yakobe bumuanabute buanyi. Esawu kuditshipa, kusumbisha bumuanabute buende kudi muakunyende.

Genese 26:32

Anu dituku adi, bena mudimu ba Izake kumuambila ne: — Tudi bumbula tshiina tshipiatshipia, tuapetshi mayi.

Genese 31:44

nanku tuetu nebe tutue ndondu. Muntu ajadike bitudi tuenza ebi.

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

1 Samuele 14:24

Dituku adi, bena Izrayele kukenga bikole bua mutshipu uvua Shawule mubatshipishe ne: “Pikala muntu mudie biakudia, katuyi banji kufika ku dilolu, tshiyi muanji kusombuela baluishi banyi, muntu awu mmuena tshibawu.” Nanku, muntu nansha umue kavua mudie tshintu to.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 30:15

Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.