Genese 24:7 - MUKANDA WA MYIDI MUKULU

⁷ Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa, Nzambi wa mulu, wakangumusha ku nsubu wa tatu wanyi ne ku buloba buakandelabo, wakabambila, wakandaya ne, Nempe tunkanunuina biebe buloba ebu yeye mene neatume muanjelo wandi ku mpala kuebe, ne wewe newangatshile muanʼanyi mukashi kuakua.

Genese 24:7 교차 참조

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 16:7

Agare ufika mu tshipela, pabuipi ne mpokolu wa mayi uvua mu njila wa ku Shure, kusambakenaye ne mutumibue wa Maweja-Nangila.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 21:17

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana.

Genese 22:11

Kadi kumvuaye diyi dia mutumibue wa Mvidi Mukulu difumina mu diulu dimubikila ne: — Abrahame, Abrahame! Yeye kuitaba ne: — Ke meme ewu.

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Genese 24:40

Mfumuanyi Abrahame kungandamuna ne: “Maweja-Nangila undi mvuluka matuku onsu, neakuendeshe diakalenga. Mutumibue wende neakulombole. Neakuleje nsongakaji wa mu tshisamba tshietu, mu diku dia tatu wanyi, uudi mua kuselela muananyi.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Misambu 103:20

Nuenu batumibue ba Mvidi Mukulu, nuenu badi benza tshidiye wamba ne bukole buonsu, ne badi bamutumikila, elayi Maweja-Nangila tuasakidila.

Misambu 136:26

Tuelayi Mvidi Mukulu wa mu diulu tuasakidila, bualu dinanga diende ndia kashidi!

Misambu 32:8

Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

Misambu 34:7

Maweja-Nangila udi uteleja mupela udi umuela mbila, ujikija dikenga diende dionsu.

Misambu 73:24

Udi undombola mudi meji ebe, ku ndekelu neungakidile mu butumbi buebe.

Ekesode 13:5

Panuafika mu ditunga dia bena Kenaane, bena Iti, bena Amore, bena Ivi ne bena Yebusa, divua Maweja-Nangila mulaye bankambua benu, ditunga didi ne biakudia bipite bungi, nuikale nuenza tshibilu etshi, ku tshidimu ku tshidimu, mu ngondu wa Abibe.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Ekesode 33:2

Nanku, nentume mutumibue wanyi bua kunulama. Nennuipatshile bena Kenaane, bena Amore, bena Iti, bena Perizi, bena Ivi ne bena Yebusa.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Dibadika 11:12

Meme tshiena muimite, tshiena mulele bantu bonsu aba to! Muudi ungambila bua meme kubambula bu mudi ndeji wambula muana pambidi, bua kubafikisha mu ditunga diuvua mulaye bankambua babu, mbishi?

Dibadika 14:16

“Maweja-Nangila wapangi mua kufikisha bena Izrayele mu ditunga divuaye mubalaye. Ke padiye mubashipele mu tshipela.”

Dibadika 14:30

Ndi nditshipa ne: kanuakufika mu ditunga dia Kenaane, dimvua munulaye to! Amu Kalebe, muana wa Yefune, ne Yoshuwa, muana wa Nune, nebabuelemu.

Dibadika 32:11

“Bantu bonsu bavua bapatuka mu Ejipitu, badi ne bidimu makumi abidi ne pa mutu, kabena mua kufika mu ditunga dimvua mulaye Abrahame, Izake ne Yakobe to, bualu mbantombokele.

Bienzedi 7:5

Mu ditunga edi Mvidi Mukulu kavua mupeshe Abrahame buloba nansha bukese, nansha muaba bunene bua dikasa to. Kadi Mvidi Mukulu kumulaya amu bua kumupa ditunga. Ndelanganyi yende ivua mua kudipiana, yeye mumane kufila. Kadi tshikondu atshi Abrahame kavua muanji kulela.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Ebrewu 11:9

Amu bua ditaba, kusombaye bu muenyi mu ditunga divua Mvidi Mukulu mumulaye. Kusombaye mu nzubu ya ntenta ne Izake kabidi ne Yakobe, bavua bapeta dilaya dia momumue kudi Mvidi Mukulu.

Yoshua 1:6

Kolesha muoyi, kutekeshi mu maboku to. Bualu wewe neulombole bena Izrayele, bua kukuatabu ditunga dimvua mulaye bankambua babu.

Yoshua 24:3

Nanku meme kumusha nkambua wenu Abrahame mu ditunga adi divua dishiya dia Perate. Meme kumuendesha mu ditunga dia Kenaane dijima. Meme kuvudija ndelanganyi yende, kumupa Izake.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.