Genese 24:45 - MUKANDA WA MYIDI MUKULU

⁴⁵ Tshiyi muanji kujikija ditendelela dianyi, Rebeka kufika muambuile mulondu wa mayi pa makaya, uya ku mpokolu. Yeye mumane kusuna mayi, meme kumulomba ne: “Bu wewe musue, mpeshaku mayi a kunua.”

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ Diambedi tshiyi muanze kushikisha kuamba mei au mu mutshima wanyi, Lebeka wakaluhuka ne mulondo wa mai ha diaha diandi, wakaya ku mushimi wa mai, wakasuna mai, meme nakamuambila ne, Umpeku mai a kunua.

Genese 24:45 교차 참조

Genese 24:44

pikalaye muitabe bua kumpesha mayi a meme kunua, ne bua kunuisha tumelu tuanyi, nemmanye ne: yeye ke udi Maweja-Nangila musunguile Izake.”

2 Samuele 7:27

Bualu wewe Maweja-Nangila, muena bukole buonsu, ne Mvidi Mukulu wa bena Izrayele, ke udi mummanyishe meji ebe, a kumpesha ndelanganyi idi mua kumpingana mu bukalenga. Ke pandi mupete dikima dia kukulomba mushindu ewu.

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Yeshaya 58:9

Panuambikila, nennuitabe. Panudi nulomba diambuluisha, nennuambile ne: “Ndi mfika!” Panudi nulekela kukengesha bantu, panudi nubenga kupetula bakuabu, kubafunkuna munu, kubajana,

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Danyele 9:19

Maweja-Nangila, diteleja! Maweja-Nangila, utufuile luse! Maweja-Nangila, teya matshi! Mvidi Mukulu wanyi, bua dina diebe, kujangaluki bua kusungidila tshimenga etshi ne tshisamba etshi bidi bikujidila.

Danyele 9:23

Pauvua mutuadije kutendelela Mvidi Mukulu, Mvidi Mukulu mmuambe bualu. Ndi mufike bua kukuambilabu, bualu Mvidi Mukulu udi mukunange. Udibambe bua kumvua ne kujingulula bualu budi Mvidi Mukulu ukuleja.

Matayi 7:7

— Lombayi, nebanupeshe; kebayi, nenusangane; kokolayi, nebanunzuluile tshiibi.

Bienzedi 10:30

Korneliyuse kuandamuna ne: — Kukadi matuku asatu, mvua ntendelela ku nzubu kuanyi, pa diba edi dia isatu wa dilolu. Meme kumona muntu umueneka diakamue kumpala kuanyi, muvuale tshilamba tshibalakana.

Rome 8:26

Ke mudi Mueyelu wa Tshijila kabidi utuambuluisha, bualu tudi bena butekete. Katuena bamanye mutudi ne bua kutendelela, ne bitudi ne bua kulomba nansha. Kadi Mueyelu wende udi utulombela kudi Mvidi Mukulu, utua mikemu idi kayiyi yumvuika bu miaku ya bantu.