Genese 24:26 - MUKANDA WA MYIDI MUKULU

²⁶ Muena mudimu kuela Maweja-Nangila tuasakidila, mutue binu panshi,

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Mulume eu wakinyika mutu wandi, wakatendelela Yehowa.

Genese 24:26 교차 참조

Genese 22:5

Abrahame kuambila bena mudimu bende babidi ne: — Nuenu nushale apa ne nyama wa mpunde ewu. Meme ne muananyi tuyaya kulu kuaka bua kutendelela Mvidi Mukulu. Pashishe netupingane apa.

Genese 24:25

Nsongakaji kumuambila kabidi ne: — Kumbelu kuetu kudi muaba wa nuenu kulala, kudi kabidi bisosa bivule bia kuladika nyama ne bia kuyidisha.

Genese 24:48

Meme kutua binu panshi bua kuela Maweja-Nangila, Mvidi Mukulu wa mfumuanyi Abrahame, tuasakidila. Bualu uvua mungendeshe diakalenga, tshiyi mupete njiwu. Mmumfikishe ne mu diku dia mfumuanyi. Nanku ndi mua kuya ne nsongakaji ewu kudi muana wa mfumuanyi.

Genese 24:52

Muena mudimu wa Abrahame umvua nanku, kutuaye binu panshi, utendelela Maweja-Nangila, umuela tuasakidila.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

2 Kulondolola 20:18

Yosafate kudiela panshi kumpala kua Maweja-Nangila. Bena Yuda bonsu, ne bena Yerushalayime kabidi, kudiela panshi bua kutendelela Maweja-Nangila.

2 Kulondolola 29:30

Mukalenga Izkiya ne bakulu kuambila bena Levi bua batumbishe kabidi Maweja-Nangila ne misambu ivuabu benze kudi Davide ne kudi muambi Ashafe. Bena Levi kuimba misambu ne disanka dinene, pashishe kudielabu panshi bua kutumbisha Maweja-Nangila.

Nehemya 8:6

Ezra kuela Maweja-Nangila, Mvidi Mukulu munene, tuasakidila. Bantu bonsu kuela bianza mulu, kuitaba ne: “Amene! Amene!” Pashishe kuinyikabu mitu panshi bua kukukuila Maweja-Nangila.

Misambu 22:29

Bualu Maweja-Nangila udi mukalenga wa bantu, udi ku mutu kua bukua bisamba!

Misambu 66:4

Maweja-Nangila, bantu bonsu ba pa buloba, bakukukuile, bakuimbile misambu, bakutumbishe!”

Misambu 72:9

Baluishi bende nebatue binu kumpala kuende. Bena lukuna nebadiele panshi, bamukukuile.

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Ekesode 12:27

Nubandamune ne: “Mmulambu wa tshivulukilu tshia Dipita dia Maweja-Nangila. Pavua bena Izrayele mu Ejipitu, Maweja-Nangila uvua mushipe bena Ejipitu. Kadi uvua mupitshile patupu ku nzubu ya bana betu, kayi muimane bua kubashipa. Uvua mutufuile luse ne bena meku etu bonsu.” Ke bena Izrayele kudiela panshi bua kukuila Maweja-Nangila.

Ekesode 34:8

Moshe kutua binu panshi lukasa, kuinyikaye mutu

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Mika 6:6

“Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Filipe 2:10

Nanku bonsu badi mu diulu, badi pa buloba, nansha badi munda mua buloba, batue binu, banemeke dina dia Yezu,

Balombodi 7:15

Ngideyone umvua amu tshilota atshi, ne dijingulula diatshi, kuinyikaye mutu panshi bua kuela Mvidi Mukulu tuasakidila. Pashishe kupinganaye mu mitanda ya bena Izrayele, wela mbila ne: — Jukayi, Maweja-Nangila mmumane kunupa mitanda ya bena Madiyane!

1 Samuele 1:28

Nanku meme panyi ndi musue kumufila kudi Maweja-Nangila kashidi. Neashale anu muena mudimu wende. Ke bena diku diende bonsu kukukuila Maweja-Nangila.