Genese 24:14 - MUKANDA WA MYIDI MUKULU

¹⁴ Nsongakaji ungambila ne: “Bu wewe musue tula mulondu panshi, umpeshe mayi a kunua,” pikalaye mua kuitaba bua kumpesha mayi a kunua, ne kunuisha tumelu tuanyi, nemmanye ne nsongakaji awu ke uudi musunguile muntu webe Izake. Kabidi nenjadike ne: malu onsu auvua mulaye mfumuanyi Abrahame akumbanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ witabushe ne nsongakashi undi ngambila ne, Ndi nkutendekena ne, Utule mulondo webe wa mai, umpe mai a kunua, yeye angandamune di ne, Nua biebe, nennuishe tumelo biebe kabidi, nunku yeye mene ikale mukashi uwakasunguila muntu webe Isaka, nunku nemmanye ne wewe wakufuila mukelenge wanyi luse.

Genese 24:14 교차 참조

Genese 15:8

Abrame kumukonka ne: — Maweja-Nangila Mvidi Mukulu wanyi, nemmanye ne: ditunga edi nedishale dianyi mushindu kaayi?

Genese 24:13

Mpindiewu ndi muimane ku mpokolu wa mayi. Bana ba bakaji ba bantu badi mu tshimenga nebafike bua kusuna mayi.

Genese 24:15

Muena mudimu kayi muanji kujikija ditendelela, Rebeka, muana wa Betuyele, kufika, muambuile mulondu wa mayi pa makaya. Betuyele uvua muana wa Nahore, muanabu ne Abrahame. Mamuende wa Betuyele uvua Milka.

Genese 24:18

Nsongakaji kuandamuna ne: — Mukalenga wanyi, nuaku. Kumuinyikilaye lukasa mulondu mu diboku. Muena mudimu kunua.

Genese 24:19

Ujikija kunua, nsongakaji kumuambila kabidi ne: — Ndi nya kusuna makuabu bua kunuisha tumelu tuebe tuonsu.

Genese 24:43

Mpindiewu ndi muimane ku mpokolu wa mayi. Muana wa bakaji yonsu wafika bua kusuna mayi, pangamulomba ne: ‘Umpeshe mayi a kunua’,

Genese 24:44

pikalaye muitabe bua kumpesha mayi a meme kunua, ne bua kunuisha tumelu tuanyi, nemmanye ne: yeye ke udi Maweja-Nangila musunguile Izake.”

2 Samuele 20:9

Yowabe kuebeja Amasha ne: — Muanetu udi munyi? Kukuataye Amasha ku muedi ne tshianza tshia balume bua kumupukila.

2 Samuele 5:24

Kadi paumvua mikuma ku nsongu ya mitshi, ujuke lukasa, utuadije kubaluisha. Diba adi, meme Maweja-Nangila nempite kumpala kuebe bua kutshimuna bena mvita ba bena Peleshete.

Nsumuinu 19:14

Nzubu ne biuma mbintu bidi muntu mua kupiana kudi batatuende. Kadi mukaji wa meji badi bamupetela amu kudi Mvidi Mukulu.

Yeshaya 7:11

— Lomba tshimanyinu kudi Maweja-Nangila, Mvidi Mukulu webe, nansha tshiotshi tshifuma ku kandondu ka bafue, nansha tshifuma muulu muamua.

Rome 1:10

misangu yonsu indi ntendelela. Ndi ndomba kudi Mvidi Mukulu, pikalaye musue, bua ampeteshe mushindu wa meme kufika kuenu.

Balombodi 18:5

Kumuandamunabu ne: — Nanku, ebeja Mvidi Mukulu. Tudi basue kumanya ne: luendu luetu elu nebikale luimpe anyi?

Balombodi 6:17

Ngideyone kuamba ne: — Pawikala munnange, umpeshe tshimanyinu tshidi tshijadika ne: ke wewe Maweja-Nangila udi wakula nanyi.

Balombodi 6:37

Nanku ndi musue kuadija tshiseba tshia mukoku panshi, muaba udibu bashipuila ntete. Butuku ebu, pikala lumume lukuate anu ku tshiseba, buloba budi muaba awu bushale buume, ne njadike ne: udi munsungule bua meme kusungidila bena Izrayele, muuvua mumane kuamba.

1 Samuele 20:7

Pikala tatuebe Shawule muitabe, umanye ne: kakuena bualu. Tshiena mfua to. Kadi, pikalaye mufike munda, neumanye ne: tatuebe mmumane kujadika bua kunshipa.