Genese 23:2 - MUKANDA WA MYIDI MUKULU

² kufuaye mu Kiriyate-Arba, momumue ne Ebrone, mu ditunga dia Kenaane. Abrahame kuenza madilu a mukajende, kumudila.

Mukanda wa Nzambi Dihungila Dikulukulu ne Dihungila Dihia-dihia 2003

² Sala wakafua mu Kiyata-aba (eu udi Hebelone) mu buloba bua Kanana, Abalahama wakaya bua kuaula muadi wa Sala ne bua kumujinga.

Genese 23:2 교차 참조

Genese 13:18

Abrame kuasa mitanda yende muinshi mua mitshi ya tshijila ya Mambre pabuipi ne tshimenga tshia Ebrone. Muaba awu kuashilaye Maweja-Nangila tshilambuilu.

Genese 23:1

Sara mumane kukumbaja bidimu lukama makumi abidi ne muanda mutekete,

Genese 23:19

Pashishe, Abrahame kujika muena kuende mu lubuebue alu luvua mu budimi bua Makpela pabuipi ne Mambre, udibu babikila ne: Ebrone, mu ditunga dia Kenaane.

Genese 24:67

Izake kuangata Rebeka, kuya nende ku ntenta wa mamuende Sara. Rebeka kushala muena kuende. Izake kumunanga bikole. Dibungama divuaye nadi bua lufu lua mamuende Sara kujikadi.

Genese 27:41

Esawu kufika munda bikole bua lupemba luvua Yakobe mumunyenge. Kuambaye ne: “Tatu mumane kufua, tuetu batangalaje madilu ende, nenshipe muakunyanyi Yakobe.”

Genese 35:27

Yakobe kuya kudi tatuende Izake mu Mambre pabuipi ne Kiriyate-Arba, muaba udibu babikila lelu ne: Ebrone. Ke muaba uvua Abrahame ne Izake basombe kale.

Genese 37:14

Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

Genese 50:1

Yozefe kupukila tshitalu tshia tatuende, kudila, binsonji bimatshila tatuende mu mpala.

Genese 50:10

Bafika mu Ngorene-Atade, dishiya dia musulu wa Yardene, kujukulabu miadi mikole. Yozefe kuenza madilu a tatuende matuku muanda mutekete. Tshibilu tshivua tshinene.

2 Samuele 1:12

Kudilabu muadi too ne ku dilolu, bajila biakudia. Ke mushindu uvuabu benza madilu a Shawule, a Yonatane, ne a bena Izrayele bonsu, bantu ba Maweja-Nangila, bavua bafue mu mvita dituku adi.

2 Samuele 1:17

Ke Davide kusaka musambu wa lufu lua Shawule ne Yonatane.

2 Samuele 2:11

Davide kushala mukalenga wa bena Yuda mu Ebrone, bidimu muanda mutekete ne tshitupa.

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

2 Samuele 5:5

Mu Ebrone, uvua mushale mukalenga wa bena Yuda bidimu muanda mutekete ne tshitupa. Mu Yerushalayime, uvua mushale mukalenga wa bena Izrayele bonsu ne wa bena Yuda, bidimu makumi asatu ne bisatu.

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

Nehemya 11:25

Meku makuabu a tshisamba tshia bena Yuda avua masombe mu misoku ya ku mpenga: ke mu Kiriyate-Arba, ne mu misoku idi mutumba; mu Dibone ne misoku idi mutumba; mu Yekabseyele ne misoku idi mutumba;

Yirmeya 22:10

Nuenu bena Yuda, kanudidi mukalenga Yoshiya uvuabu bashipe. Kanuikadi ne tshinyongopelu bualu buende. Dilayi amu mukalenga Shalume, udibu baye nende mu bupika. Bualu kakupingana kabidi to. Kakumona kabidi ditunga diende divuabu bamulele nansha.

Yirmeya 22:18

Bua Yoyakime, muana wa Yoshiya, mukalenga wa bena Yuda, Maweja-Nangila udi wamba ne: Yeye mufue, bantu kabakumudila to. Muntu kakuamba ne: “Tutu wanyi, diakabi kaayi edi?” “Yaya wanyi, diakabi kaayi edi?” Kabakumudila bamba ne: “Mfumuanyi, diakabi kaayi?” “Mukalenga, diakabi kaayi edi.”

Dibadika 13:22

Kubuelabu mu ditunga luseke lua kuinshi. Kufikabu pabuipi ne Ebrone, muaba uvuabu base kudi bena Akimane, bena Sheshayi ne bena Talmayi. Bonsu aba ndelanganyi ya Anake, muntu wa mpolondu. (Bavua base tshimenga tshia Ebrone, bidimu muanda mutekete bangabanga ne kuasa tshimenga tshia Tanise mu Ejipitu.)

Dibadika 20:29

Bena Izrayele bonsu bumvua bua lufu lua Arone, kutekabu bonsu madilu ende matuku makumi asatu.

Yowanane 11:31

Pavua bena Yuda bavua ne Mariya mu nzubu bua kumusamba bamumona ujuka upatuka lukasa, kumulondabu. Bavua bela meji ne: udi uya ku lukita bua kudilamu muadi.

Yowanane 11:35

Ke Yezu kudila.

Bienzedi 8:2

Bantu balamatshi ba Mvidi Mukulu kujika Stefane. Kudilabu bikole bua lufu luende.

Dielulula 34:8

Bena Izrayele kuteka madilu ende matuku makumi asatu mu mpata ya Mowabe.

Yoshua 10:39

Kukuatabu tshimenga atshi ne mukalenga uvuamu. Kukuatabu kabidi ne bimenga bionsu bivua natshi pabuipi. Kushipabu bantu bonsu bavuamu, kabayi bashiye muntu nansha umue ne muoyi to. Yoshuwa kuenzela tshimenga tshia Debire ne mukalenga uvuamu, muvuaye muenzele tshimenga tshia Ebrone ne tshia Libna, ne bakalenga bavuamu.

Yoshua 15:13

Kalebe, muana wa Yefune, uvua mupete tshitupa tshia buloba bua bena Yuda, anu bu muvua Maweja-Nangila mumane kuambila Yoshuwa. Bavua bamupesha tshimenga tshi Kiriyate-Arba, tshidibu binyika Arba, nkambua wa bena Anake. Kadi lelu badi binyika tshimenga tshia Arba dina dikuabu dia Ebrone.

Yoshua 15:54

Umeta, Kiriyate-Arba uvuabu binyika kabidi Ebrone, ne Siyore. Bimenga bionsu ebi bivua tshitema; muvua kabidi misoku ivua nabi mutumba.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

Yoshua 21:11

Bavua babapeshe tshimenga tshia Kiriyate-Arba, tshidibu binyika kabidi Arba, dina dia nkambua wa bena Anake. Badi binyika tshimenga atshi mpindiewu Ebrone. Bavua batshiasa luseke lua mikuna mu buloba bua Yuda. Kupeshabu ndelanganyi ya Arone tshimenga etshi, ne mpata ya kudishila bimuna ivua pabuipi.

Balombodi 1:10

Kubangabu mvita ne bena Kenaane bavua base mu tshimenga tshia Ebrone, tshiyuabu binyika tshikondu atshi Kiriyate-Arba. Mu tshimenga atshi ke muvuabu batshimuine bena diku dia Sheshayi, dia Akimane, ne dia Talmayi.

1 Samuele 20:31

Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.

1 Samuele 25:1

Tshikondu atshi, Samuwele kufua. Kumujikabu kuende mu tshimenga tshia Rama. Bena Izrayele bonsu kudisangisha bua kuenza madilu ende. Pashishe, Davide kuya mu tshipela tshia Parane.

1 Samuele 28:3

Samuwele mumane kufua, kumujikabu mu tshimenga tshiabu tshia Rama. Bena Izrayele bonsu kumuenzela madilu. Kadi Shawule mu bukalenga buende uvua mumane kukandika bilelu bia kubuka, ne bia kukonka bakishi malu.