Genese 23:16 - MUKANDA WA MYIDI MUKULU

¹⁶ Abrahame kuitaba bivua Efrone muakule, kumubadilaye nkanu bungi buvuaye utela, bana babu bumvue. Nanku kumupeshaye nkanu ya tshiamu tshitoke tshia mushinga mukole nkama inayi, bilondeshile mishinga ya basumbishi ba bintu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Abalahama wakitabusha dî dia Efelona Abalahama wakamuidikishila bungi bua argent buakalombeye ku mpala kua bana ba Hete, nshekele ya argent nkama mai bu muakitabusha bahanyi ba bintu.

Genese 23:16 교차 참조

Genese 23:15

— Ndi nkusengelela ne: unteleje: muaba ewu udi mua kuikala wa mushinga wa nkanu ya tshiamu tshitoke tshia mushinga mukole nkama inayi. Kadi mine ayi idi mua kutuenzela wewe ne meme tshinyi? Nanku, jika muena kuebe.

Genese 43:21

Pashishe patudi tupingana kuetu, mu njila, butuku buila, tuetu kulala. Patudi tunzulula bibombi bietu, muntu yonsu wa kutudi udi usangana amu makuta ende, avuaye mutule bua kusumba biakudia, ku mibangubangu ya tshibombi tshiende. Kadi makuta awu tudi nawu muaba ewu mpindiewu.

Genese 49:29

Yakobe kuambila bana bende ne: — Nkadi nkeba kulonda bankambua banyi. Nunjike anu mu lubuebue ludi mu budimi bua Efrone, muena Iti, mu nkita ya bankambua banyi.

Genese 50:13

Kuyabu ne tshitalu tshiende mu ditunga dia Kenaane. Kutshijikabu mu lubuebue luwa mu budimi bua Makpela, muaba uvua Abrahame musumbe kudi Efrone muena Iti, bua wikale wende wa kujika bafue. (Lubuebue alu luvua pabuipi ne Mambre.)

2 Samuele 14:26

Absalome uvua udikosa nsuki ku ndekelu kua tshidimu tshionsu. Bualu nsuki yende ivua ne bujitu bua bungi. Pavua Absalome upima nsuki ayi, ivua ne bujitu bua kilo ibidi, bilondeshile bipimu bivua nabi mukalenga Davide.

2 Samuele 24:24

Kadi mukalenga Davide kumuambila ne: — Kumpeshi tshianana to. Ndi musue kubisumba. Ndi nkufuta. Tshiena musue kulambula Maweja-Nangila Mvidi Mukulu wanyi milambu idibu bampesha tshianana to! Davide kumufuta nkanu mitoke ya mushinga mukole makumi atanu bua kusumba muaba wa tshishipuidi tshia ntete ya kuenza bukula, ne ngombe.

Yobe 28:15

Kabena mua kuashintakaja ku tshiamu tshimpe tshia mpawungi. Kabena baasumba ku tshiamu tshitoke tshia mushinga mukole, nansha tshiotshi bungi bishi?

Ekesode 30:13

Muntu yonsu udibu babadika, alambule tshia bibidi tshimue tshia sikle bu mudibu benza muaba wa tshijila.

Yirmeya 32:10

Meme kufunda mikanda ibidi ya disumba, kukanga mukanda umue, kutua tshitampi tshianyi, bantu bajadike. Meme kupima kabidi bujitu bua tshiamu tshitoke tshia mushinga mukole.

Yirmeya 32:9

Nanku, meme Yirmeya kusumba budimi bua Anameyele buvua ku Anatote, kufuta nkanu dikumi ne muanda mutekete ya tshiamu tshitoke tshia mushinga mukole.

Yezekiyele 45:12

Lukanu lua tshiamu tshitoke tshia mushinga mukole lua “sikle” ludi ne bujitu bua ngrame dikumi ne umue ne tshitupa, mmomumue ne “ngera” makumi abidi. Bidi bikengela nkanu eyi makumi asambombu bua kupeta bujitu bua ngrame nkama isambombu ne makumi muanda mukulu, mmomumue ne bua “mine” umue.

Zekâya 11:12

Meme kubambila ne: — Panudi bamona ne: mbimpe kumfuta, numfute; tshianana nulekele. Ke bobu kubala nkanu ya tshiamu tshitoke tshia mushinga mukole makumi asatu, kumfuta.

Matayi 7:12

— Enzelayi bakuabu bionsu binudi basue bua banuenzele. Ke bidi mikenji ya Moshe mufundila, ke bidi bambi banulongesha.

Bienzedi 7:16

Kuambulabu bitalu biabu, kuya nabi mu Shekeme, kubijikabu mu lukita luvua Abrahame musumbe, mufile mushinga kudi bana ba Emore, nkambua wa bena Shekeme.

Rome 13:8

Kanuikadi dibanza ne muntu, pa kumusha dia dinangangana. Muntu udi unanga bakuabu, udi ukumbaja bionsu bidi mikenji Uufundila.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

1 Tesalonike 4:6

Mu bualu ebu, muntu kadingi muntu nende, kamuenzedi bibi. Tukadi bamane kunuambilambila, banubele bikole ne: Mfumu neanyoke badi benza malu a nanku.