Genese 22:12 - MUKANDA WA MYIDI MUKULU

¹² Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Genese 22:12 교차 참조

Genese 20:11

Abrahame kuandamuna ne: — Mvua muele meji ne: bantu ba kuneku kabena batshina Mvidi Mukulu. Nanku nebanshipe bua kuangata mukajanyi.

Genese 22:13

Abrahame ukenzakana, kumonaye mukoku wa tshimpanga, nsengu yatshi mipatame mu mutshi. Kuangataye mukoku wa tshimpanga awu, kulambula Mvidi Mukulu pa muaba wa muanende Izake.

Genese 22:16

umuambila ne: — Maweja-Nangila udi ujadika ne: Bu muudi muenze nanku kuyi mumpale muanebe umuepele, bu mundi meme Mvidi Mukulu, ndi nditshipa ne:

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

Genese 26:5

Bualu Abrahame uvua muitabe diyi dianyi, mukumbaje miaku ne mikenji bimvua mumuambile.

Genese 42:18

Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Yobe 5:19

Mvidi Mukulu neansungidile mu njiwu, too ne ku diba didi dikenga kadiyi mua kukukuata kabidi to.

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Misambu 147:11

udi muanyishe bantu badi bamumanya bu Mvidi Mukulu wabu, batekemena bulenga buende.

Misambu 2:11

Itabayi Maweja-Nangila, numutshine. Numukukuile, numutumbishe.

Misambu 25:12

Maweja-Nangila nealeje muntu udi umunemeka, njila udiye ne bua kusungula.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Yirmeya 19:5

Bavua balongoluela mvidie Baale muaba wa kumutendelela, bua kumuoshilapu bana babu milambu. Kadi meme tshivua mutume diyi, bua benze bualu bua nanku to! Tshivua nansha mubuambe. Tshivua nansha mubuelele meji.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Matayi 19:29

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

1 Korente 10:13

Bualu matetshibua onsu anuvua nawu, ke adibu bateta nawu bantu misangu yonsu. Mvidi Mukulu udi ukumbaja malaya ende. Kakuanyisha bua matetshibua anupite bukole. Kadi diba didibu banuteta, yeye neanupe bukole bua kutua nkanana, kabidi bua kupatuka nabu mu matetshibua.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Ebrewu 11:19

Abrahame uvua wela meji ne: Mvidi Mukulu udi ne bukole bua kubisha Izake ku lufu. Ke muvua Abrahame mupete tshiakabidi Izake bu muntu mubike ku bafue.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”

Didimanyisha 19:5

Diyi kufumina ku nkuasa wa butumbi, diamba ne: “Nuenu bonsu bantu ba Mvidi Mukulu, tumbishayi Mvidi Mukulu wetu, nuenu bonsu badi bamunemeka, baneme ne bashadile!”

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.