Genese 22:1 - MUKANDA WA MYIDI MUKULU

¹ Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahita malu au Nzambi wakateta Abalahama, wakamuambila ne, Abalahama yeye wakitaba ne, Ndiku.

Genese 22:1 교차 참조

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 21:11

Miaku eyi kutonda Abrahame bikole, bualu Ismayele uvua kabidi anu muanende.

Genese 22:11

Kadi kumvuaye diyi dia mutumibue wa Mvidi Mukulu difumina mu diulu dimubikila ne: — Abrahame, Abrahame! Yeye kuitaba ne: — Ke meme ewu.

Genese 22:7

Izake kukonka Abrahame ne: — Tatu! Awu ne: — Muananyi. Izake ne: — Tudi ne nkunyi ne kapia, kadi muana wa mukoku wa kulambula udi penyi?

Genese 37:13

Yakobe kuambila Yozefe ne: — Ndi musue kukutuma ku Shekeme, kudi bana benu badisha bimuna. Yozefe kuitaba ne: — Eyowa. Untume.

Genese 46:2

Butuku abu Mvidi Mukulu kumumuenekela, umuleja malu. Kumubikilaye ne: — Yakobe, Yakobe! Yeye kuitaba ne: — Ke meme ewu.

2 Samuele 24:1

Dituku dikuabu, Maweja-Nangila kufikila kabidi bena Izrayele munda. Kuenzejaye Davide bualu buvua ne bua kukebela bantu makenga, bualu Davide uvua mupete meji a kubadika bena Izrayele ne bena Yuda.

2 Kulondolola 32:31

Kadi pavua bamfumu ba bena Babilone batume bantu bua kumanya malu a dikema avua menzeke mu ditunga diende, Mvidi Mukulu uvua musue ne: Izkiya adienzele malu. Uvua muenze nanku bua kumuteta, bua kumanya muoyi udi Izkiya nawu.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Ekesode 16:4

Maweja Nangila kuambila Moshe ne: — Ndi musue kukutumina biakudia bia mu diulu. Dituku dionsu, bena Izrayele nebaboye biakudia bikumbane, kadi anu bua dituku adi. Ke mundi nnuteta, bua meme kujadika ne: bena Izrayele nebitabe mikenji yanyi anyi?

Ekesode 3:4

Maweja-Nangila uvua mumone muvua Moshe usemena pabuipi bua kujadika bualu abu. Kubikilaye Moshe munkatshi mua tshipuka ne: — Moshe! Moshe! Awu kuitaba ne: — Ke meme awu.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Yeshaya 6:8

Meme kumvua Maweja-Nangila unkonka ne: — Undi mua kutuma nnganyi? Waya kutuambidila mukenji wetu nnganyi? Meme kuandamuna ne: — Ke meme ewu, untume meme.

1 Korente 10:13

Bualu matetshibua onsu anuvua nawu, ke adibu bateta nawu bantu misangu yonsu. Mvidi Mukulu udi ukumbaja malaya ende. Kakuanyisha bua matetshibua anupite bukole. Kadi diba didibu banuteta, yeye neanupe bukole bua kutua nkanana, kabidi bua kupatuka nabu mu matetshibua.

Dielulula 13:3

tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Ebrewu 11:17

Amu bua ditaba diende, Abrahame kufila Izake bu mulambu, pavua Mvidi Mukulu mumutete. Uvua muitabe bua kulambula muanende mulela umue,

Yakobe 2:21

Nkambua wetu Abrahame, Mvidi Mukulu mmumubingishe bua tshinyi? mBua bivuaye muenze, bualu uvua mulambule muanende Izake pa tshilambuilu.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Balombodi 2:22

Nengangate bisamba ebi, bua meme kujadika nabi ne: bena Izrayele mbasue kuntumikila, muvua bankambua babu benza, anyi mbabenge mua kuenza tshindi musue.

1 Samuele 3:4

Maweja-Nangila kubikila Samuwele. Samuwele kuitaba ne: “Eyowa, mfumuanyi.”