Genese 21:8 - MUKANDA WA MYIDI MUKULU

⁸ Muana awu kukola, kulekela diamua mabele. Abrahame kulongolola masanka dituku adi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Muana wakadiunda, wakalekela mabele, mu dituku diakalekeleye mabele Abalahama wakalambishila Isaka bidia bia bungi.

Genese 21:8 교차 참조

Genese 19:3

Kadi Lote kubasengelela bikole. Nanku bobu kuanyisha bua kuya ku nzubu kuende. Lote kubalambila biakudia, kuboshila mikata, kudiabu.

Genese 21:7

Kuambaye kabidi ne: — Muntu kaayi uvua mua kuambila Abrahame ne: Dimue dituku Sara neamushe bana mabele? Mpindiewu ngaleledi Abrahame muana wa ku bukunda buende.

Genese 21:9

Dituku dikuabu, Ismayele, muana wa Abrahame uvuaye mulele ne Agare muena Ejipitu, uvua unaya ne Izake. Sara umona nanku,

Genese 26:30

Izake kubalongoluela biakudia. Kudiabu, kunuabu.

Genese 29:22

Labane kubikidisha bantu bonsu ba muaba awu, kubalongoluela didia dia tshibilu tshia dibaka.

Genese 40:20

Matuku asatu akumbana, mukalenga kuenza tshibilu tshia diledibua diende. Kulambishilaye balombodi ba mu bukalenga buende bonsu biakudia. Mukalenga kubandisha bena lukanu babidi abu milongu, bantu bonsu aba batangile: ke mutangidi wa balongolodi ba maluvu a mukalenga, ne mutangidi wa balambi ba biakudia bia mukalenga.

2 Samuele 3:20

Abnere kufika kua Davide mu Ebrone ne bantu makumi abidi. Davide kubalambishila biakudia bia disanka.

1 Bakalenga 3:15

Shelomu ubika ku tulu, kumanyaye ne: Mvidi Mukulu mmuyukile nanyi mu tshilota. Kupinganaye ku Yerushalayime, kuimanaye kumpala kua Maweja-Nangila, kumpala kua mushete wa ndondu. Shelomu kulambula Mvidi Mukulu milambu ya kuosha, ne ya bobumue. Pashishe kulambishilaye balombodi ba mu bukalenga buende bonsu biakudia bia disanka.

Misambu 131:2

Kadi ndi mutukije, mushale mupuwe, bu mudi muana mutekete musombe padi mamuende. Bu mudi muana musombe mupuwe ke mundi meme.

Osheya 1:8

Tshibengabu mumane kulekela dibele, Ngomere kuimita difu dikuabu, kulela muana wa balume.

Balombodi 14:10

Tatuende wa Shimeshone kuya ku ba nsongakaji awu. Shimeshone kulongoluela bantu ba muaba awu didia dia dibaka, bu mudi bansongalume bonsu benza.

Balombodi 14:12

Shimeshone kubambila ne: — Ndi musue kunuelela muanu. Panuikala baumanye, bangandamuna, matuku muanda mutekete a tshibilu tshia dibaka kaayi manji kupita, nennupeshe miteelu mimpe makumi asatu, ne bilamba bikuabu bia tshibilu makumi asatu.

1 Samuele 1:22

Kadi musangu awu, Ane kavua muye ne bayende to. Uvua muambila bayende ne: “Ndi muindila bua muana alekele kuamua dibela. Pashishe nenye nende ku Silo, nemmulambule Maweja-Nangila, ashaleku mu nzubu wende kashidi.”

1 Samuele 1:24

Ane mumane kutekesha muana dibela, nansha mutshivuaye mutekete, Ane kuya nende mu nzubu wa Maweja-Nangila ku Silo. Ane ne bayende Elkana, kuangata ngombe mulume wa bidimu bisatu, mufuku wa bukula ne mulondu wa biseba muwule ne maluvu.

1 Samuele 25:36

Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.