Genese 21:23 - MUKANDA WA MYIDI MUKULU

²³ Nanku, uditshipe mpindiewu kumpala kua Mvidi Mukulu ne: tshiakuenzela Abimeleke, bana bende ne ndelanganyi yende bibi to. Kadi ungenzele meme, ne bena ditunga dianyi diudi usomba, bimpe mumvua mukuenzele.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nunku uditshihe nʼanyi kudi Nzambi bua wewe kundingi, nansha muanʼanyi mulume, nansha muana wa muanʼanyi, kadi ungenzele malu ne luse bu munakakuenzela wewe ne buloba bûdi mushikame.

Genese 21:23 교차 참조

Genese 20:14

Abimeleke kupingajila Abrahame mukajende. Kumutentekelapu ne bapika balume ne bakaji, mikoku, mbuji ne ngombe.

Genese 21:24

Abrahame kuitaba ne: — Eyowa, ndi nditshipa nanku.

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Genese 26:28

Abimeleke ne bavuaye nabu kuandamuna ne: — Tudi tukulonda bualu tudi bajadika ne: Maweja-Nangila udi nebe. Ke patuedi meji ne: mbimpe tumvuangane nebe, tutue ndondu.

Genese 31:44

nanku tuetu nebe tutue ndondu. Muntu ajadike bitudi tuenza ebi.

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

Genese 39:3

Potifare kujadika ne: Maweja-Nangila mmulame Yozefe, mmumututshishe diakalenga mu bionsu bivuaye wenza.

Genese 47:31

Yakobe kumuambila ne: — Uditshipe bua meme kujadika ne: newenze. Yozefe kuditshipa. Nanku, Yakobe kuela Yozefe tuasakidila, kuinama panshi ku mutu kua bulalu.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

Yoshua 2:12

Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

1 Samuele 20:13

Kadi, pikalaye musue kukuenzela bibi, pangikala tshiyi mukumanyishe, Maweja-Nangila annyoke ne dinyoka dikole. Diba adi nenganyishe bua wewe kuya. Neuye bimpe kabayi bakuatshisha to. Ndi njinga ne: Maweja-Nangila ikale nebe muvuaye ne tatu wanyi Shawule.

1 Samuele 20:17

Yonatane kuambila kabidi Davide bua aditshipe bua kujadika mudiye munange Yonatane. Bualu Yonatane uvua munange Davide ne muoyi mujima.

1 Samuele 20:42

Ke Yonatane kuambila Davide ne: — Uye bimpe. Kadi uvuluke ndondu wa bulunda utudi batue nebe mu dina dia Maweja-Nangila, tuamba ne: “Anu Maweja-Nangila nkayende atuambuluishe bua tukumbaje ndondu ewu nebe kashidi, too ne ku ndelanganyi yetu.”

1 Samuele 30:15

Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.