Genese 20:9 - MUKANDA WA MYIDI MUKULU

⁹ Abimeleke kubikidisha Abrahame, umukonka ne: — Tshiwatuenzedi nenku ntshinyi? Mbualu bubi kaayi bundi mukuenzele bua wewe kutubueja ne bena ditunga dianyi mu tshilumbu bunene nunku! Udi mutuenzele bualu budi muntu kayi mua kuenzela mukuabu to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe Abimeleke Wakabikila Abalahama, wakamukonka ne, Bualu ebu buwakungenzela budi tshinyi? Nakukuenzela bualu bubi kai, bua wewe wakunvuisha ne bantu banyi mu bualu bubi bunene nunku? Wewe wakungenzela bualu bubi, budi kabuyi buimpe bua kuenza.

Genese 20:9 교차 참조

Genese 12:18

Mukalenga wa bena Ejipitu kubikidisha Abrame, kumukonka ne: — Tshiudi mungenzele ntshinyi? Bua tshinyi kuena mungambile ne: Sarayi mmukajebe?

Genese 20:10

Uvua muele meji kaayi pa kungenzela nunku?

Genese 20:8

Abimeleke kubika patshiatshia, kubikila balombodi ba mu bukalenga buende. Kubamanyishaye bionsu bivua bimuenzekele abi. Balombodi kuzakala bikole.

Genese 26:10

Abimeleke kuandamuna Izake ne: — Tshiudi mutuenzele nunku ntshinyi? Kadi bu muntu wa mu ditunga dietu emu muangate mukajebe, uvua mua kutubueja mu tshilumbu tshikole.

Genese 29:25

Butshia dinda, Yakobe umona Leya, kukemaye bikole! Kukonkaye mansebende Labane ne: — Udi mungenzele nanku bua tshinyi? Mvua mukuenzele mudimu bua kusela Rakele. Kadi wandingi bua tshinyi?

Genese 34:7

Bana ba Yakobe balume mu mpata, kubambilabu bionsu bivua bienzeka abi. Bavua bumvue bibi, bafike kabidi munda bikole, bualu Shekeme uvua muenze bualu bubi bua dikamakama, mubuelele muana wa bende wa Yakobe mu nzubu ku bukole. Tshilema tshia mushindu ewu katshiena ne bua kuenzeka mu Izrayele to.

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

2 Samuele 12:5

Davide kufikila mubanji awu munda bikole. Kuambilaye muambi Natane ne: — Maweja-Nangila udi ne muoyi, anteleje! Muntu udi muenze nanku, udi ne bua kufua!

2 Samuele 13:12

Tamare kubenga ne: — Nansha, Amnone wetu! Kuena mua kunkuata ku bukole to! Bena Izrayele kabena benza malu a mushindu ewu to. Kuenji bibi nanku to!

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Ekesode 32:35

Maweja-Nangila kukengesha bena Izrayele, bualu bavua bambila Arone bua kubenzela lupingu lua kana ka ngombe.

Nsumuinu 28:10

Muntu udi usaka bantu bakane bua balonde njila mibi, neapone mu mateyi ende. Kadi benji ba bimpe nebikale ne diakalenga.

Lewitiki 20:10

“Muntu yonsu udi ubuelela mukaji wa bende mu nzubu, babashipe bonsu babidi, muena tshibawu kabidi ne mukaji awu.

Rome 2:11

Bualu Mvidi Mukulu kena ne kansungasunga kudi bantu.

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Yoshua 7:25

Yoshuwa kuambila Akane ne: “Udi mutukebele diakabi. Nanku mpindiewu Maweja-Nangila neakupeteshe pebe diakabi.” Bena Izrayele kumuasa mabue, kumushipa. Kuasabu kabidi ne bena mu diku dia Akane bonsu mabue, kubashipa. Kuoshabu bintu biabu bionsu.