Genese 20:7 - MUKANDA WA MYIDI MUKULU

⁷ Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nunku uhingashe mukashi kudi mulume wandi, bualu bua yeye udi muprofete, neakulombele Nzambi bua wewe wikale ne muoyo, kadi biwahidia kumuhingasha, umanye biebe ne wewe ne bantu bonso baudi nʼabo nenufue bulelela.

Genese 20:7 교차 참조

Genese 12:15

Balombodi ba bena mvita ba mukalenga wa bena Ejipitu kumuanyishila bulenga bua mukaji awu. Mukalenga wa bena Ejipitu kumubanjija.

Genese 12:17

Kadi, bu muvua mukalenga wa bena Ejipitu mubanjije Sarayi, mukaji wa Abrame, Maweja-Nangila kutumina mukalenga awu ne bonsu ba mu nzubu muende tshipupu tshikole tshia masama.

Genese 2:17

Kadi kuena mua kudia bimuma bia mutshi wa kujingulula malu mempe ne malu mabi. Dituku divuadia bimuma bia mutshi awu, tshiebe ndufu.”

Genese 20:18

Bualu Mvidi Mukulu uvua mukandike lulelu lua mukaji wa Abimeleke ne lua bakaji bakuabu ba mu diku dia Abimeleke, bualu bua tshilumbu tshia Sara, mukaji wa Abrahame.

Genese 20:3

Butuku abu, Mvidi Mukulu kumuenekela Abimeleke mu tshilota, kumutandisha ne: — Wewe udi mudikebele lufu bua mukaji wa bende uudi munyenge ku bukole.

Genese 20:8

Abimeleke kubika patshiatshia, kubikila balombodi ba mu bukalenga buende. Kubamanyishaye bionsu bivua bimuenzekele abi. Balombodi kuzakala bikole.

Genese 23:6

— Mukalenga, Mvidi Mukulu mmukuele lupemba, suaku ututeleje. Ujike mukajebe mu lukita luakane lua ku nkita yetu. Muntu wa kutudi nansha umue kena mua kukupala lukita luende bua ujike muena kuebe to.

2 Samuele 24:17

Davide mumane kumona mutumibue uvua ubutula bena Izrayele, kuambilaye Maweja-Nangila ne: — Meme ndi muena tshibawu. Meme ndi muenze bibi. Kadi bantu aba kabena benza bualu bubi to. Nanku mbimpe unyoke meme, ne bena nzubu wanyi.

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

2 Bakalenga 5:11

Namane kumuka, mufike munda, wamba ne: — Mvua ngela meji ne: muambi Elisha neapatuke mu nzubu bua kuimana kumpala kuanyi, kutendelela Maweja-Nangila Mvidi Mukulu wende, kundenga muaba udi disama dia nsudi bua kudijikija.

1 Kulondolola 16:22

“Kanulengi bantu banyi, bandi mujidile. Kanuenzedi bambi ba diyi dianyi bibi!”

2 Kulondolola 30:18

Bantu ba bungi, nangananga ba mu tshisamba tshia bena Efrayime, tshia bena Menashe, tshia bena Isakare, ne tshia bena Zebulone, kaba-vua bumushe mikiya yabu to. Kadi bavua amu badia biakudia bia tshibilu tshia Dipita dia Maweja-Nangila, kabayi banemeka meyi adibu bafunde mu mukanda wa mikenji. Kadi Izkiya kulombela bantu abu kudi Maweja-Nangila, wamba ne:

Yobe 34:19

Amu Mvidi Mukulu kena ne kansungasunga, kena utshina bamfumu, kena unemeka mubanji kumpala kua mupele. Bualu uvua mubafuke bonsu udi amu yeye mene.

Yobe 42:8

Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Ekesode 18:17

Tatuende muenu wa Moshe kumuambila ne: — Mushindu uudi wenza mudimu kawena mukumbane to.

Ekesode 4:16

Arone neakule ne bantu, ubambila malu auvua ne bua kuamba wewe. Wewe newikale bu Mvidi Mukulu, udi umumanyisha tshidiye mua kuamba, yeye neikale muambi webe.

Ekesode 7:1

Maweja-Nangila kuambila Moshe ne: — Wewe newikale bu Mvidi Mukulu ku mesu kua mukalenga wa bena Ejipitu. Muanenu Arone neakuenzele mudimu wa buambi.

Yirmeya 14:11

Maweja-Nangila kungambila ne: — Kuena mua kuakuila bantu aba nansha kakese.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Yirmeya 27:18

Yirmeya kuamba kabidi ne: — Pikala bantu aba bambi balelela, pikalabu bamba malu adi Maweja-Nangila wamba, basengelele Maweja-Nangila wa bukole buonsu, bua biuma bidi bishale mu nzubu wa Mvidi Mukulu, mu nzubu wa mukalenga wa bena Yuda, nansha mu tshimenga, kabayi nabi mu Babilone to.

Yezekiyele 3:18

Meme mukuambile ne: muenji wa bibi ukadi pa kufua, wewe kuyi mudimuje muntu awu bua alekele ngenzelu yende mibi, ashale ne muoyi, nanku muntu awu neafue bua bubi buende, kadi nenkuase wewe tshilumbu tshia lufu lua muntu awu.

Yezekiyele 33:8

Meme mudimuje muntu ne: udi ufua bua bubi buebe, wewe kuyi mumubele bua akaje nsombelu wende, muntu ewu neafue bua bilema biende. Kadi wewe, nenkuase tshilumbu bua lufu lua muntu awu.

Lewitiki 6:4

Pashishe avule bilamba abi, avuale bikuabu. Umbuke ne butu abu mu mitanda, aye nabu muaba musunguluke kauyi mikiya bua kubimansha.

Lewitiki 6:7

“Bua kulambula mulambu wa bintu bia mu madimi, nuenze nunku: “Anu bana ba Arone ba balume ke badi mua kuela bintu abi mulu, kumpala kua tshilambuilu, kubinyukula bua kubilambula Maweja-Nangila.

Bienzedi 8:24

Ke Simone kuambila Petro ne Yowanane ne: — Ngakuilayi nuenu kudi Mfumu, bua kannyoki munudi nuamba amu.

1 Korente 14:4

Udi wakula mu miakulu idi bantu kabayi bamanye, udi udikolesha amu yeye nkayende mu ditaba. Kadi udi umanyisha bantu malu adi Mvidi Mukulu mumuambile, udi wambuluisha Tshisumbu tshijima tshia bena ditaba.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.

1 Samuele 12:19

Kuambilabu Samuwele ne: — Usengelele Maweja-Nangila Mvidi Mukulu wetu bualu buetu, bua katufu to. Bualu ku malu mabi onsu atudi benza, tudi basakidila kabidi bualu bubi bukuabu bua dilomba dia mukalenga.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.

1 Samuele 7:5

Ke Samuwele kubela diyi, ubambila ne: — Bantu bonsu badisangishe ku Mispa. Muaba awu, nendombe kudi Maweja-Nangila bualu buenu.

1 Samuele 7:8

Kuambilabu Samuwele ne: — Kutulekedi to! Wikale utulombola kudi Maweja-Nangila Mvidi Mukulu wetu, bua kutusungidilaye ku bumfumu bua bena Peleshete.