Genese 2:17 - MUKANDA WA MYIDI MUKULU

¹⁷ Kadi kuena mua kudia bimuma bia mutshi wa kujingulula malu mempe ne malu mabi. Dituku divuadia bimuma bia mutshi awu, tshiebe ndufu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ kadi mamuma a mutshi wa lungenyi lua kujingulula malu mimpe ne malu mabi kuadi nansha, bualu bua mu dituku diudi wadia wewe neufue bulelela.

Genese 2:17 교차 참조

Genese 2:9

Maweja-Nangila Mvidi Mukulu kumenesha mitshi ya mishindu yonsu pa buloba, mitshi milenga kumona ne mesu, mimpe kudia mukana. Munkatshi mua lupangu muvua mutshi wa muoyi ne mutshi wa kujingulula malu mimpe ne mabi.

Genese 20:7

Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

Genese 3:11

Maweja-Nangila Mvidi Mukulu kumukonka kabidi ne: — Wakujinguluidi ne udi butaka nnganyi? Udi mumane kudia tshimuma tshia mutshi umvua mukukandike anyi?

Genese 3:17

Pashishe Maweja-Nangila Mvidi Mukulu kuambila mulume ne: — Bua pawitabi diyi dia mukajebe, wewe kudia tshimuma tshimvua mukukandike, ndi ntshipa buloba bua tshilema tshiuvua muenze. Tshiakudia tshiebe neutshipete anu pawenza mudimu mukole matuku onsu audi ne muoyi pa buloba.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

1 Bakalenga 2:37

Ndi nkujadikila patoke ne: wewe mupatuke mu tshimenga, musabuke musulu wa Sedrone, neufue dituku adi. Nanku wewe mupatuke, udi mudikebele lufu nkayebe.

1 Bakalenga 2:42

Ke mukalenga Shelomu kubikidisha Shimeyi, umuambila ne: — Mvua mukutshipishe kumpala kua Maweja-Nangila bua kupatuki mu Yerushalayime to. Mvua mukuambile ne: wewe mupatuke mu tshimenga bua kuya muaba mukuabu, neufue. Uvua mungandamune ne: Mbimpe bitambe! Ndi mumvua!

Yirmeya 26:8

Yirmeya mumane kumanyisha bantu bonsu aba tshivua Maweja-Nangila mumuambile, kumukuatabu, bamba ne: — Bamushipe!

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Yezekiyele 18:32

Bulelela, meme Maweja-Nangila, tshiena musue lufu lua muntu nansha umue. Lekelayi bubi buenu buonsu, nanku nenushale ne muoyi!”

Yezekiyele 18:4

Bualu muoyi wa bantu bonsu ngwanyi meme. Muoyi wa baledi ngwanyi meme, anu bu mudi muoyi wa bana. Anu muena tshibawu wasangana kufua anyi? Wafua!

Yezekiyele 33:14

Kadi meme mubele muntu mubi ne: udi ufua, padi muntu awu udilengeja, utuadija kuenza malu mimpe, kena ufua to.

Yezekiyele 33:8

Meme mudimuje muntu ne: udi ufua bua bubi buebe, wewe kuyi mumubele bua akaje nsombelu wende, muntu ewu neafue bua bilema biende. Kadi wewe, nenkuase tshilumbu bua lufu lua muntu awu.

Dibadika 26:65

Bualu Maweja-Nangila uvua mumane kubamanyisha ne: nenuluile bonsu mu tshipela. Amu Kalebe, muana wa Yefune, ne Yoshuwa, muana wa Nune, ke bavua bashale ne muoyi.

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

Rome 6:16

Nudi bamanye bimpe ne: panudi nukuatshila kampanda mudimu, nudi numutumikila. Nanku nudi ne bua kuikala bapika ba mfumu unudi nutumikila awu. nKuamba ne: nansha nudi bapika ba malu mabi adi afikisha bantu ku lufu, nansha nudi bapika bua kutumikila Mvidi Mukulu, bua amone mua kunubingisha.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

1 Korente 15:22

Bu mudi bantu bonsu bafue bualu mbadisange ne Adame, ke mudi bantu bonsu ne bua kubika ku lufu padibu badisanga ne Kristu.

1 Korente 15:56

Lufu ludi lupeta bukole bua kushipangana kudi bubi. Bubi budi bupeta bukole kudi mikenji.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Dielulula 27:26

“Muntu yonsu udi kayi witaba meyi ne mikenji bia Mvidi Mukulu, kayi ubikumbaja, asangane muena tshibawu kuenza anyi?” Bonsu ne: “Enze!”

Dielulula 30:15

Bena Izrayele, tangilayi: lelu ndi nteka kumpala kuenu, luseke elu muoyi ne diakalenga, luseke lualua lufu ne diakabi.

Dielulula 30:19

Nanku ndi nnujadikila lelu kumpala kua diulu ne buloba ne: nusungule tshinudi basue: ndi nteka muoyi ne diakalenga luseke, lufu ne diakabi lukuabu. Mbimpe nusungule muoyi, bua nushale bena diakalenga, nuenu ne ndelanganyi yenu.

Kolose 2:13

Ku kale nuvua bafue, bualu kabavua banuteke panshi, momumue ne: nuvua badine mu bubi. Kadi mpindiewu Mvidi Mukulu mmunubishe pamue ne Kristu. mMutujimijile mibi yetu yonsu.

1 Timote 5:6

Kadi mukaji mukamba utshidi ne milowu, nansha yeye ne muoyi, mmufue.

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.

Didimanyisha 2:11

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, kabakumona lufu luibidi.”

Didimanyisha 20:14

Kadi kuelabu lufu ne kandondu ka bafue mu mayi manene atema kapia. (Mayi manene adi atema kapia aa, ke lufu luibidi.)

Didimanyisha 20:6

Bantu bavua bafululuka musangu wa kumpala awu mbena diakalenga, badi Mvidi Mukulu muele lupemba mushindu musunguluke! Lufu luibidi kaluena lubakuata to. Nebakuatshile Mvidi Mukulu ne Kristu mudimu wa butuangaji. Nebadie bukalenga pamue ne Kristu bidimu tshinunu.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Balombodi 3:2

Uvua musue bua ndelanganyi mipiamipia ya bena Izrayele, nangananga ivua kayiyi mianji kuluangana mvita, ilonge mua kuluangana.

1 Samuele 14:39

Bu mudi Maweja-Nangila, Musungidi wa bena Izrayele ne muoyi, ndi nditshipa ne: muntu udi muenze bibi neafue, nansha yeye muananyi wa balume Yonatane. Munkatshi mua bena mvita bonsu, muntu nansha umue kena muandamune to.

1 Samuele 14:44

Shawule kuamba ne: — Yonatane wewe kuyi mufue, Mvidi Mukulu annyoke ne dinyoka dikole!

1 Samuele 20:31

Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.

1 Samuele 22:16

Mukalenga Shawule kuambila mutuangaji Akimeleke ne: — Wewe ne bena mu nzubu webe nenufue bonsu.