Genese 19:9 - MUKANDA WA MYIDI MUKULU

⁹ Kadi bena ditunga kukanyina Lote, bamba ne: — Umuke apa. Wewe kabidi udi anu muenyi mu ditunga dietu. Muukadi ututumina diyi mbishi? Umanye ne: netukuenzele bibi bipite bia bantu aba. Kusakilabu Lote bikole, kusemenabu pabuipi ne nzubu bua kutula tshiibi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bobo bakamba ne, Umuke Bobo bakamba ne, Mulumiana eu, wakahatula bua kushikameye kunoko, ne katataka yeye udi musue kuikala bu mulumbuluishi, nenkuenzele bualu bubi budi butamba bualu butudi tubenzela bobo. Bobo bakamunguila ba bungi, Lota mene mene bakasemena ha buihi bua kuhandabo tshibi.

Genese 19:9 교차 참조

Genese 11:6

Ke Maweja-Nangila kukema, wamba ne: “Bu mudi bantu aba bikale tshisamba tshimue, bakula muakulu umuepele, ke padibu batuadije kudienzela malu. Bidi bimueka ne: kakuena tshidi mua kubakolela kabidi.

Genese 13:12

Abrame kushala mu ditunga dia Kenaane. Lote kuya kuasa mitanda yende mu bimenga bia mu mpata wa Yardene, wendakana ne bimuna biende too ne ku Sodome.

Ekesode 2:14

Awu kuandamuna Moshe ne: — Nganyi udi mukuteke bua kutubela ne kutulumbuluisha? Udi musue kunshipa bu muuvua mushipe muena Ejipitu anyi? Moshe kumvua buowa, kudiambila ne: “Bualu ebu bakadi babumanye!”

Nsumuinu 14:16

Muntu wa meji udi utshina bualu bubi, ubuepuka. Kadi mutatakane udi upututuka, kayi wela meji ku bualu nansha bumue.

Nsumuinu 17:12

Bidi bimpe kusambakena ne nyama wa lonji uvuabu banyenga bana bende, pa mutu pa kusambakena ne tshidingidingi tshia kalanda-musenga.

Nsumuinu 27:3

Dibue didi ne bujitu, lusenga ludi luneema. Kadi lukinu lua mupote ndubipite bujitu.

Muambi 10:13

Udi utuadija kuamba miaku ya tshianana, ujikija ne miaku mibi.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Yeshaya 65:5

Badi bambila bantu badi basambakena nabu ne: “Semenayi kule, kanundengi to, bualu ndi muntu wa tshijila. Patupu nudi mua kufua.” Pandi mmona malu adibu benza, ndi mpeta amu tshiji.

Yirmeya 3:3

Nanku meme Maweja-Nangila, ndi mubenge bua mvula kaloki nansha ku ntuadijilu nansha ku ndekelu kua tshidimu. Kadi, wewe ne tshitunu udi wenda amu tshiendenda, kuyi utonda bubi buebe.

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yezekiyele 16:49

Teleja, bilema bivuabu benze bobu mbiebi: bavua baditambisha, badia buukuta, kabayi ne lutatu. Kadi kabavua bambuluishe bapele ne bena dikenga.

Matayi 7:6

— Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

1 Samuele 17:44

Semena apa, nkushipe, tshitalu tshiebe ntshidishe nyunyi ne nyama ya mu tshisuku.

1 Samuele 2:16

Pikala muntu awu muandamune ne: “Banji kuosha mafuta. Pashishe newangate munyinyi uudi musue,” muntu uvua wambuluisha mutuangaji uvua wamba ne: “Tshiena musue to. Mpesha anu mpindiewu. Tshianana ndi ndiangatshila ku bukole.”

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.