Genese 19:14 - MUKANDA WA MYIDI MUKULU

¹⁴ Lote kuya kuambila baku bende, bavua babangile bana bende ba bakaji, ne: — Jukayi lukasa, numuke mu tshimenga etshi, bualu Maweja-Nangila mmusue kutshibutula. Kadi baku bende kuela meji ne: udi wamba bilele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Lota wakaluhuka, wakambila baku bakadi babangila bana bandi bakashi ne, Jukai, numuke mu musoko eu, bualu bua Yehowa neashihe musoko Kadi yeye wakadi bu muntu udi wakula biakulakula kudi baku bandi.

Genese 19:14 교차 참조

Genese 19:15

Pa kabundubundu batumibue abu kusamina Lote, bamba ne: — Jukayi lukasa, angata mukajebe ne bana bebe ba bakaji babidi. Tuyayi bua kanuvu kubutuka pamue ne tshimenga etshi.

Genese 19:17

Bobu bamane kupatuka mu ditunga, mutumibue wa Mvidi Mukulu mukuabu kuambila Lote ne: — Nyema, kolesha bua kudipandisha. Kutangidi panyima, kuimanyi pa muaba. Uye kusokoma ku mukuna bua kuvu kubutuka.

Genese 19:22

Kadi nyema, kolesha ubutame mu kasoku aka. Tshiena mua kuenza bualu, wewe kuyi muanji kufikamu. (Ke padibu binyika kasoku aka ne: Soware.)

2 Kulondolola 30:10

Bantu bavua Izkiya mutume abu, kuendakanabu mu buloba bua Efrayime ne bua Menashe. Kupitshilabu mu bimenga bionsu. Pashishe kuyabu mu tshisamba tshia Zebulone. Kadi muaba awu bantu bavua babaseka, babalembakaja.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Ekesode 12:31

Anu butuku abu mukalenga wa bena Ejipitu kubikila Moshe ne Arone kubambila ne: — Umukayi ne bena Izrayele mu ditunga dianyi, nuye kutendelela Maweja-Nangila bu munuvua bandombe.

Ekesode 9:21

Kadi balombodi bakuabu kabavua bangata miaku ya Maweja-Nangila ne mushinga. Bavua bashiya bena mudimu babu ne bimuna biabu mu mpata.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Yirmeya 20:7

Maweja-Nangila wewe kuntekesha! Meme kuanyisha bua wewe kuntekesha! Wewe kunkuata, wewe kumpita bukole! Bantu badi banseka matuku onsu. Bonsu badi bampetula.

Yirmeya 43:1

Yirmeya uvua muambile bantu bonsu malu aa avua Maweja-Nangila Mvidi Mukulu wabu mumanyishe.

Yirmeya 43:2

Ke Azarya, muana wa Oshaya, Yowanane, muana wa Kareya, ne bakuabu bonsu, kuandamuna Yirmeya ne dikamakama ne: — Udi ushima. Maweja-Nangila Mvidi Mukulu wetu kena mukuambile bua kutubela bua katuyi kusokoma mu Ejipitu to.

Yirmeya 51:6

Umukayi mu Babilone nunyeme lubilu bua nupande. Kabanushipi nuenu, bua bilema bia bena Babilone. Maweja-Nangila udi udisombuela. Ke tshikondu tshidiye upingajila bena Babilone, bibi bionsu bivuabu benza.

Dibadika 16:21

— Umukayi muaba udi bantu aba, bualu ndi musue kubabutula bonsu amu mpindiewu.

Dibadika 16:26

Kuambilaye bantu bonsu ne: — Umukayi ku ntenta ya bena buenzavi aba. Kanulengi tshintu tshiabu nansha tshimue to. Tshianana nudi mua kufua kabidi bua mibi yabu yonsu.

Matayi 1:18

Bavua balela Yezu Kristu mushindu ewu. Mamuende Mariya uvua mubangila kudi Yozefe. Kadi kayi muanji kuya kudi bayende, kudimonaye muikale ne difu ku bukole bua Mueyelu wa Tshijila.

Matayi 9:24

Ke kubambilaye ne: — Patukayi, muana kena mufue to, mmulale. Bantu abu kumuseka.

Luke 24:11

Kadi bapostolu bavua bela meji ne: malu adi bakaji abu batulondela aa kaena mua kuenzeka to. Nanku kabatua babitaba to.

Luke 9:42

Muana ufika, mukishi kumuela panshi, kumunyukula bikole. Kadi Yezu kukanyina mukishi mubi bikole, kujikija disama dia muana, kumupingaja kudi tatuende.

Bienzedi 17:32

Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne: — Netuvue kukuteleja musangu mukuabu, bua upite kutuambila bualu ebu!

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.