Genese 18:8 - MUKANDA WA MYIDI MUKULU

⁸ Pashishe, kuangataye manteka, mabela ne munyinyi uvua-bu balamba awu, kubapesha. Pavuabu badia, Abrahame uvua muimane kulu pabuipi nabu, muinshi mua mutshi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye wakangata manteke ne mabele ne lukungulu lua ngombe luakalambabo, wakabiteka ku mpala kuabo. Yeye wakimana ha buihi nʼabo muinshi mua mutshi hakadibo badia.

Genese 18:8 교차 참조

Genese 18:7

Kunyemenaye kabidi ku tshikumbi tshia ngombe, kusungulaye muana wa ngombe muimpe wa manyi. Kumufila kudi muena mudimu bua amulambe lukasa.

Genese 18:9

Bantu kukonka Abrahame ne: — Mukajebe Sara udi penyi? Abrahame ne: — Udi mu ntenta muamua.

Genese 19:3

Kadi Lote kubasengelela bikole. Nanku bobu kuanyisha bua kuya ku nzubu kuende. Lote kubalambila biakudia, kuboshila mikata, kudiabu.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Yeshaya 7:15

Muana neanue mabele, neadie buitshi, too ne diba diamanyaye mua kusunguluja bualu buimpe ne bubi.

Yeshaya 7:22

Kadi nyama ayi neimupetele mabele makumbane, bua bamone mua kunua mabele. Nanku bonsu badi bashala ne muoyi mu ditunga, nebanue mabele, badie ne buitshi.

Luke 12:37

Bena mudimu aba badi ne diakalenga, padi mfumu ubasangana batabale. Ndi nnujadikila bulelela ne: Mfumu neavuale tshilamba tshia mudimu. Neabasombeshe ku mesa, bua kubabanyina biakudia ku muntu ku muntu.

Luke 17:8

Kakuenza nanku to. Kadi, neanuambile ne: “Ndambita biakudia. Pashishe vuala bilamba bikuabu bua kungambuluisha pantshidi ndia. Neushishe kudia pebe.”

Luke 24:30

Kusombaye nabu ku mesa, kuangata diampa, wela Mvidi Mukulu tuasakidila. Pashishe kudikosololaye, kubabanyinadi.

Luke 24:43

Yezu kutshiangata, kutshidia, bobu batangile.

Yowanane 12:2

Muaba awu, Marte uvua mumulambile biakudia. Lazare uvua umue wa ku bantu bavua ku mesa ne Yezu.

Bienzedi 10:41

ki mbantu bonsu to, kadi amu tuetu bajadiki bavua Mvidi Mukulu mudianze kusungula. Mvidi Mukulu mumane kumubisha ku bafue, tuvua badie, banue nende.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Dielulula 32:14

Ngombe ne mikoku kubapesha mabele. Bana ba mikoku, bimpanga bia mafuta ne mbuji ya mpumbu, kubapetesha munyinyi. Kudiabu bukula buimpe butambe, banua ne maluvu a mvinyo, makunze bu mashi.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.

Balombodi 13:15

Manowa kuambila mutumibue ne: — Bu wewe musue, unsombeshe katupa. Netukulambile muana mbuji.

Balombodi 5:25

Sisra kulomba Yayele mayi a kunua, Yayele kumupesha mabele, mabele mimpe a mafuta mu dikopu dia mushinga mukole.