Genese 18:6 - MUKANDA WA MYIDI MUKULU

⁶ Abrahame kuya lukasa ku ntenta kuvua Sara, umuambila ne: — Kolesha, angata bukula buimpe, usope mikata isatu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Abalahama wakabuela mu ntenta lubilu kudi Sala wakamuambila ne Wangate bihiminu bisatu bia bukula lubilu, usangakashe, ulambe mikata.

Genese 18:6 교차 참조

Genese 18:5

Nennutuadile kantu ka nuenu kudia. Nudie nupete bukole, numone mua kutungunuka ne luendu luenu. Bualu nudi bafike ku mbelu kua muntu wenu. Kuitababu ne: — Mbimpe, enza muwambi amu.

Genese 18:7

Kunyemenaye kabidi ku tshikumbi tshia ngombe, kusungulaye muana wa ngombe muimpe wa manyi. Kumufila kudi muena mudimu bua amulambe lukasa.

Genese 19:3

Kadi Lote kubasengelela bikole. Nanku bobu kuanyisha bua kuya ku nzubu kuende. Lote kubalambila biakudia, kuboshila mikata, kudiabu.

2 Samuele 13:6

Nanku, Amnone kulala bu muntu udi usama. Mukalenga Davide kufika bua kumusamba. Amnone kumuambila ne: — Itaba bua muanetu wa bakaji Tamare, afike kumpala kuanyi bua kundambila mikata ibidi. Ayimpeshe yeye nkayende, bua meme kudia.

Misambu 119:60

Tshiena njingakana bua kuenza tshiudi muambe.

Yeshaya 32:8

Kadi muntu wa kalolu, udi wela meji amu a kalolu, udi ukumbaja kabidi malu a kalolu.

Matayi 13:33

Yezu kubelela lusumuinu lukuabu ne: — Bukalenga bua mu diulu mbufuanangane ne buanga bua mampa budi mukaji wangata, usangisha mu bukula kilo makumi abidi ne itanu, bua ditapi dionsu kutuntumukadi.

Bienzedi 16:15

Kumutuabu mu mayi, yeye ne nzubu wende mujima. Pashishe kutulombaye ne: — Panuikala bamone ne: ndi ngitaba Mfumu menemene, nuvua kusomba kuanyi. Kutusengelelaye bikole. Tuetu kushisha kuitaba.

Rome 12:13

Ambuluishayi bana benu ne bidibu bakengela. Akidilayi bimpe badi bafika ku nzubu yenu.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Ebrewu 13:2

Nuvuluke ne: nudi ne bua kuakidila bimpe benyi badi bamvuila. Bualu bamue bavua benze nanku bavua bakidile batumibue ba Mvidi Mukulu kabayi bamanye.

1 Petro 4:9

Nuakidilangane mu nzubu yenu, kanuyi nusodia.

Balombodi 6:19

Ngideyone kuya, kulamba muana mbuji, ne mampa kaayi mela buanga, menza ne bukula kilo makumi asatu. Kutekaye munyinyi mu tshisaka, kuelaye nsupu mu luesu. Kuyaye nabi muinshi mua mutshi wa lusanga, kubipeshaye mutumibue wa Mvidi Mukulu.

1 Samuele 28:24

Mukaji muena lubuku kushipa lukasa kana ka ngombe ka mafuta. Kusopaye bukula, kulamba tukata tua mampa.