Genese 18:30 - MUKANDA WA MYIDI MUKULU

³⁰ Abrahame kuamba kabidi ne: — Maweja-Nangila kabikutondi, ntshidi anu ntungunuka. Misangu mikuabu neusangane bantu bakane anu makumi asatu, newenze tshinyi? Maweja-Nangila ne: — Meme musangane bantu bakane makumi asatu, tshiakubutula tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Yeye wakamba ne, Mukelenge, kukuatshi tshiji, nengakule bianyi, bikalamu bantu bakane makumi asatu Yeye wakamba ne, Tshiena nshiha musoko bualu bua bantu makumi asatu.

Genese 18:30 교차 참조

Genese 18:29

Abrahame kumukonka kabidi ne: — Misangu mikuabu udi mua kusangana bantu bakane anu makumi anayi, newenze tshinyi? Maweja-Nangila kuandamuna ne: — Meme musangane bantu bakane makumi anayi, nemfuile bantu luse bualu buabu.

Genese 18:31

Abrahame kumukonka ne: — Maweja-Nangila, umfuile luse bua pandi ngakula nebe. Wewe musangane bantu bakane anu makumi abidi, newenze tshinyi? Maweja-Nangila ne: — Meme musangane bantu bakane makumi abidi, tshiakubutula tshimenga.

Genese 44:18

Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Yobe 40:4

Ndi muntu wa tshianana, tshindi mua kuandamuna kabidi ntshinyi? Ndi mbuikila mukana ne tshianza mpuwa.

Misambu 10:17

Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Balombodi 6:39

Ngideyone kuambila Mvidi Mukulu ne: — Kumfikidi munda to. Ndi musue kukulomba kabidi tshintu musangu wa ndekelu. Ndi musue kumona kabidi tshimanyinu anu ne tshiseba. Mpindiewu, tshiseba nkayatshi tshikale tshiume, lumume luikale pa buloba buonsu budi muaba awu!