Genese 17:8 - MUKANDA WA MYIDI MUKULU

⁸ Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nenkuhe wewe ne tunkanunuina tuebe buloba buonso bua Kanana bûdi wendakanamu, bu buhianyi buenu bua tshiendelele, nengikale Nzambi wabo.

Genese 17:8 교차 참조

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 13:17

Juka, endakana mu ditunga, uditangile mu bule ne mu butshiama buadi, bualu nenkupadi.

Genese 23:4

— Meme ndi muenyi munkatshi muenu. Numpeshe muaba, muenu munu, wa kujika muena kuanyi.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 28:4

Mvidi Mukulu akuele wewe ne ndelanganyi yebe lupemba, muvuaye muele Abrahame, bua ditunga diudi usomba bu muenyi edi, didi Mvidi Mukulu mupeshe Abrahame, dishale diebe.

Genese 35:27

Yakobe kuya kudi tatuende Izake mu Mambre pabuipi ne Kiriyate-Arba, muaba udibu babikila lelu ne: Ebrone. Ke muaba uvua Abrahame ne Izake basombe kale.

Genese 36:7

Bualu bonsu babidi bavua ne bintu bipite bungi. Nanku kabavua mua kusomba muaba umue to. Ditunga dia Kenaane divua dikese. Kadivua dikumbane mua kudisha bimuna biabu bonsu babidi to.

Genese 37:1

Yakobe uvua muye kusomba mu ditunga dia Kenaane, muaba uvua tatuende Izake musombe ku kale.

Genese 48:4

Uvua mundaye ne: “Neulele bana ba bungi. Ndelanganyi yebe neivulangane, yenza bisamba bivule. Ditunga edi nedishale dienu kashidi.”

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

1 Kulondolola 16:18

Kumuambilaye ne: “Ndi nkupa buloba bua Kenaane. Ke ditunga dindi munupe, wewe ne ndelanganyi yebe.”

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 105:11

pavuaye umuambila ne: “Ndi nkupesha ditunga dia Kenaane bu bumpianyi buebe ne bua ndelanganyi yebe.”

Misambu 105:9

Ndondu ewu ke uvuaye mutue ne Abrahame, ke mutshipu uvuaye muditshipe ku mesu kua Izake,

Ekesode 13:11

Moshe kuamba kabidi ne: — Pikala Maweja-Nangila munufikishe mu ditunga dia bena Kenaane, divuaye munulaye nuenu ne bankambua benu,

Ekesode 21:6

nanku mfumuende nealombe Mvidi Mukulu bua ajadike bualu ebu. Nebimanyike muntu awu ku tshiibi nansha ku tshipanda tshia ku nzubu kuende. Nebamutubule ditshi muaba awu, bua ashale mupika too ne ku lulu luende.

Ekesode 29:45

Meme nengikale Mvidi Mukulu wa bena Izrayele musombe munkatshi muabu.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Ekesode 40:15

Bana ba Arone abu, ubalabe mafuta mushindu uuvua mulabe tatuabu, ubajidile bua bangenzele mudimu wa butuangaji. Mafuta awu, ke adi ajadika ne: badi batuangaji kashidi, bobu ne ndelanganyi yabu yonsu.”

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Yirmeya 25:5

Maweja-Nangila kunuambila ne: “Muntu yonsu wa kunudi adilengeje, alekele malu mabi adiye wenza! Nanku, nenusombe kashidi ne kashidi mu ditunga edi dimvua munupe nuenu ne bankambua benu.

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”

Yezekiyele 11:20

Nanku nenukumbaje mikenji imvua munupeshe. Nenulonge meyi anyi, nuakumbaje. Nenuikale bantu banyi. Meme nengikale Mvidi Mukulu wenu.

Yezekiyele 33:24

— Yezekiyele, bantu badi bashale mu bimenga bia mu ditunga dia Izrayele bivuabu babutula, badi bamba ne: “Abrahame uvua nkayende, kadi uvua mupete ditunga edi dijima. Nanku metu nangananga, nempete ditunga edi, bualu tudi ba bungi.”

Lewitiki 14:34

“Panuikala bafike mu ditunga dia Kenaane dindi munupeshe, pandi mmuenesha butu mu nzubu wa muntu mu ditunga adi dipiadipia,

Lewitiki 16:34

“Mukenji ewu, nuulame kashidi bua kukobolola bena Izrayele musangu umue ku tshidimu tshionsu bua mibi yabu yonsu ijike. Arone kukumbaja mudimu onsu uvua Maweja-Nangila mumufundile kudi Moshe.

Lewitiki 26:12

Nengendakane nenu. Meme nengikale Mvidi Mukulu wenu, nuenu nenuikale bantu disanka dinene, nenku mushinga wabu kawena mua kushintuluka to banyi.

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Dibadika 25:13

Ndondu awu udi bualu buende ne bua ndelanganyi yende, udi ubenza batuangaji bua kashidi. Pinhase wandeji mudiye mundamate, meme Mvidi Mukulu wende, muende muonsu. Ke pandi mufuile bena Izrayele bonsu luse mu dina diende.

Dibadika 27:12

Maweja-Nangila kuambila Moshe ne: — Banda ku lusongu lua mukuna wa Abarime, ubandile ditunga dindi mpesha bena Izrayele.

Bienzedi 7:5

Mu ditunga edi Mvidi Mukulu kavua mupeshe Abrahame buloba nansha bukese, nansha muaba bunene bua dikasa to. Kadi Mvidi Mukulu kumulaya amu bua kumupa ditunga. Ndelanganyi yende ivua mua kudipiana, yeye mumane kufila. Kadi tshikondu atshi Abrahame kavua muanji kulela.

Dielulula 14:2

Nudi tshisamba tshia tshijila tshia Maweja-Nangila Mvidi Mukulu wenu. Nuenu ke badiye musungule munkatshi mua bisamba bikuabu bidi pa buloba, bua nuikale tshisamba tshiende menemene.

Dielulula 26:18

Nuenu kabidi nuvua bamulaye bua kuikala tshisamba tshiende, tshia bantu badiye mupite kunanga, badi bakumbaja meyi ende ne mikenji yende.

Dielulula 29:13

Ndondu unudi batue ne Mvidi Mukulu, ke undi nnuambila bua nuitabe patoke ne: netukumbaje. Ndondu ewu, kena anu buenu nuenu, badi bimane muaba ewu lelu kumpala kua Maweja-Nangila to.

Dielulula 32:49

— Uye pa mukuna wa Abarime, mu ditunga dia Mowabe, pabuipi ne Yeriko. Ubande ku lusongu lua mukuna wa Nebo. Ubandile ditunga dia Kenaane, dindi mpesha bena Izrayele bua dishale diabu.

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.

Dielulula 4:37

Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

Yoshua 1:2

— Moshe, muntu wanyi, mmumane kufua. Mpindiewu, wewe udi ne bua kusabuka musulu wa Yardene, pamue ne bena Izrayele bonsu, bua ubafikishe mu ditunga dindi mubapeshe.

Didimanyisha 21:7

Tshidi muntu mua kupeta kundi padiye utshimuna ntshietshi: Nengikale Mvidi Mukulu wende, yeye neikale muananyi.