Genese 17:7 - MUKANDA WA MYIDI MUKULU

⁷ Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nenjadike tshihungidi tshianyi hankatshi hetu hebe ne tunkanunuina tuebe to ne bikondo biatu bionso bu tshihungidi tshia tshiendelele, bua meme kuikala Nzambi webe ne wa tunkanunuina tuebe.

Genese 17:7 교차 참조

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 17:13

Nanku mupika udibu balelela ku nzubu kuebe, nansha udibu basumba, babateke bonsu panshi, bua ndondu wanyi amueneke kashidi mu mubidi wenu.

Genese 17:19

Mvidi Mukulu kumuandamuna ne: — Nansha! Mukajebe Sara nealele muana wa balume. Neumuinyike ne Izake. Meme nentue nende ndondu wa kashidi kabidi ne ndelanganyi yende yonsu.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Genese 6:18

Kadi nentue nebe ndondu. Mu buatu amu, ubuele ne mukajebe, bana bebe ba balume ne bakaji babu.

Genese 9:16

Nemmone muanza-nkongolu mvuluka ndondu undi mutue ne bionsu bidi ne muoyi pa buloba.

2 Samuele 7:24

Wewe kuangata bena Izrayele, bua bashale tshisamba tshiebe kashidi. Maweja-Nangila wewe kushala Mvidi Mukulu wa bena Izrayele.

1 Kulondolola 16:14

Yeye ke Maweja-Nangila, Mvidi Mukulu wetu! Buloba bujima budi ku bumfumu buende!

Misambu 81:10

Kanuena mua kuikala ne mvidie mukuabu munkatshi muenu! Kanutendeledi mvidie ya bena bisamba bikuabu.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Yeshaya 61:8

Meme Maweja-Nangila ndi munange bantu badi benzelangana bimpe. Kadi ndi ndiwula bantu badi bangata tshintu tshia bende ku bukole. Nensankishe bantu banyi. Nentue nenu ndondu wa kashidi.”

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”

Yezekiyele 28:26

Nebasombemu talala. Nebasemu nzubu, bakuna mionji ya mvinyo. Nebasombe mu ditalala, bualu nennyoke bena mutumba nabu bavua babapetula. Nanku nebajadike ne: meme ndi Maweja-Nangila.”

Lewitiki 11:45

Meme ndi Maweja-Nangila, udi munupatule mu ditunga dia Ejipitu, bua ngikale Mvidi Mukulu wenu. Nuenu nuikale bantu ba tshijila, bu mundi meme wa tshijila.”

Lewitiki 25:38

Meme ke uvua munupatule mu ditunga dia Ejipitu, munufikishe mu ditunga dia Kenaane, bua ngikale Maweja-Nangila Mvidi Mukulu wenu.

Lewitiki 26:12

Nengendakane nenu. Meme nengikale Mvidi Mukulu wenu, nuenu nenuikale bantu disanka dinene, nenku mushinga wabu kawena mua kushintuluka to banyi.

Lewitiki 26:44

Kadi matuku adibu mu tshimuangi awu, tshiena mbalekela amu kashidi to, tshiena mbabutula. Kabidi, tshiena nnyangakaja ndondu wanyi to, bualu meme ndi Maweja-Nangila, Mvidi MuKulu wabu.

Lewitiki 26:45

Nemvuluke ndondu umvua mutue ne bankambua babu, pamvua mubapatule mu ditunga dia Ejipitu, bisamba bionsu bitangile, bua meme kubapandisha ne kuikala Mvidi Mukulu wabu. Ndi Maweja-Nangila.”

Lewitiki 26:9

Nennutabalele bua nutante, nulele bana ba bungi. Nendame ndondu ituvua batua nenu.

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Matayi 22:32

“Meme ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.” Nanku Mvidi Mukulu udi Mvidi Mukulu wa bantu badi ne muoyi, ki ngwa bafue to.

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

Bienzedi 2:39

Bualu Mvidi Mukulu mmunulaye nuenu ne bana benu, kabidi ne bonsu batshidi kule, bonsu badi Maweja-Nangila Mvidi Mukulu wetu musue kubikila.

Rome 9:4

Badi bena tshisamba tshia Izrayele. Mvidi Mukulu mmubenze bana bende. mMumueneke munkatshi muabu ne butumbi buende. mMutue nabu ndondu yende, mubapeshe kabidi mikenji yende. Uvua mubaleje muyuabu mua kutendelela. mMubalaye ne malaya.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Dielulula 29:13

Ndondu unudi batue ne Mvidi Mukulu, ke undi nnuambila bua nuitabe patoke ne: netukumbaje. Ndondu ewu, kena anu buenu nuenu, badi bimane muaba ewu lelu kumpala kua Maweja-Nangila to.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.