Genese 17:14 - MUKANDA WA MYIDI MUKULU

¹⁴ Kadi muntu mulume udibu kabayi bateke panshi, nebamuipate munkatshi mua bantu banyi, bualu kena munemeka ndondu wanyi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muntu mulume udi kayi mutengula nebamumushe munkatshi mua bana babo, bualu bua yeye wakashiha tshihungidi tshianyi.

Genese 17:14 교차 참조

Genese 17:15

Mvidi Mukulu kuambila Abrahame ne: — Kubikidi kabidi mukajebe ne Sarayi to. Umubikile ne: Sara.

Genese 34:14

— Katuena mua kuitaba bua muntu udibu kabayi bateke panshi asele muanetu wa bakaji, bualu bidi bituenza bundu.

Misambu 55:20

Mvidi Mukulu, mukalenga wa ku tshibangidilu, anteleje, abafuishe bundu. Bualu bantu aba kabena basue kudilengeja, kabena nansha batshina Mvidi Mukulu.

Ekesode 12:15

Maweja-Nangila kuamba ne: “Matuku malondangane muanda mutekete, nudie anu mampa kaayi mela buanga. Dituku dia kumpala, numushe manga a mampa onsu adi mu nzubu yenu. Biangatshile ku dituku dia kumpala too ne ku dituku dia muanda mutekete, muntu yonsu udi udia mampa mela buanga, nebamumushe munkatshi mua bena Izrayele.

Ekesode 12:19

Matuku muanda mutekete malondangane awu, kanulami buanga bua mampa mu nzubu yenu to. Muntu yonsu udi udia mampa mela buanga, nansha yeye muenyi anyi muena ditunga, nebamumushe munkatshi mua bena Izrayele.

Ekesode 30:33

Muntu yonsu udi wenza mafuta a mushindu ewu, bua kulaba bantu badi kabayi batuangaji, numumushe munkatshi mua bantu banyi.’ ”

Ekesode 30:38

Pikala muntu mudienzele manananshi a mushindu ewu, numumushe munkatshi mua bantu banyi.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yeshaya 33:8

Njila idi munda mutupu. Bantu kabena bapitshilamu. Muena tshikisu mmupule ndondu, mubenge mikanda idi imujadika. Muoyi wa muntu kawena ne mushinga ku mesu ende.

Yirmeya 11:10

Badi benzamalu mabi avua bankambua babu benza, kabayi banteleja. Badi banemeka mvidie ya bantu ba bisamba bikuabu, bayitendelela. Nenku bena Yuda ne bena Izrayele mbanyange ndondu umvua mutue ne bankambua babu.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

Yezekiyele 44:7

Panudi nundambula bia pa madimi, mafuta ne mashi a nyama, nudi nubueja mu nzubu wanyi bantu benyi, batuabu kabayi bateka panshi, badi kabayi bangitaba to. Ke munudi nupisha nzubu wanyi mikiya. Ke munudi banyanga ndondu udi mututuangaje nenu, ne malu enu mabi onsu andi mbenga.

Lewitiki 18:29

Nanku bantu bonsu badi benza malu mabi a nenku, nebabipate mu bena Izrayele.

Lewitiki 19:8

Muntu udi muudie mmuena tshibawu, bualu mmunyange mulambu wanyi wa tshijila. Nebamuipate munkatshi mua bena Izrayele.

Lewitiki 23:29

Muntu yonsu udi kayi ujila biakudia dituku adi, nebamumushe munkatshi mua bena Izrayele.

Lewitiki 7:25

Padi muntu udia mafuta a nyama udibu balambula bu mulambu wa kuoshila Maweja-Nangila, muntu awu bamuipate munkatshi mua bena Izrayele.

Lewitiki 7:27

Padi muntu udia mashi, bamuipate munkatshi mua bena Izrayele.”

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.

1 Korente 11:27

Kadi padi muntu udia diampa dia Mfumu, unuina mu dikopu diende, kayi mubiakanyine, nebamuase tshilumbu tshia mubidi ne mashi bia Mfumu.

1 Korente 11:29

Bualu padi muntu udia diampa, nansha unuina mu dikopu edi, kayi mujingulule mubidi wa Mfumu, udi udikebela tshilumbu padiye udia, nansha unua.