Genese 17:10 - MUKANDA WA MYIDI MUKULU

¹⁰ Ke mikenji yanyi inudi ne bua kulama: Bantu balume bonsu ba ku ndelanganyi yebe, nubateke panshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Etshi ntshihungidi tshidi hankatshi hetu nʼebe ne tunkanunuina tuebe tshinudi nʼatshi bua kutumikila ne, Muana mulume yonso wa munkatshi muenu atengudibue.

Genese 17:10 교차 참조

Genese 17:11

Etshi ke tshimanyinu tshia kashidi tshia pambidi penu, tshidi tshijadika ndondu udi pankatshi panyi nenu.

Genese 17:23

Anu dituku adi, Abrahame kuteka muanende Ismayele panshi, kabidi ne bana ba balume bonsu bavua mu diku diende, too ne bapika bavuabu balele mu nzubu muende, ne bonsu bavuaye musumbe, bu muvua Mvidi Mukulu mumuambile.

Genese 17:27

Kutekabu bantu balume bonsu panshi, ne bapika bavuabu balelela mu nzubu muende, ne bavuaye musumbe ku matunga makuabu.

Genese 21:4

Matuku muanda mukulu akumbana, Abrahame kuteka Izake panshi bu muvua Mvidi Mukulu mumuambile.

Genese 34:15

Kadi panuikala basue kusela muanetu wa bakaji, bateke balume bonsu ba muenu panshi. Nuikale bu mutudi emu.

Genese 34:22

Bantu benyi aba nebanyishe bua kuasa mu ditunga dietu, kabidi bua kushala netu bantu bamue, kadi anu padibu bateka bantu balume bonsu panshi bu mudibu bobu.

Ekesode 12:48

“Pikala muenyi udi kumbelu kuebe musue kuenza tshibilu tshia Dipita dianyi, nuteke bantu balume bonsu, ne bana mene, ba mu diku diabu panshi, bua bikale bu bena Izrayele. “Kadi, muntu udi kayi muteke panshi, kena mua kudia biakudia abi to.”

Ekesode 4:25

Nanku Sefora, mukaji wa Moshe, kuangata dibue ditue, kuteka nadi muanende wa balume panshi. Pashishe kuangata dikoba divuaye mukose muana adi, kudilaba Moshe pa mbidi wamba ne: “Udi bayanyi wa mashi.”

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Yowanane 7:22

Moshe uvua munuelele mukenji wa kuteka bana ba balume panshi. Moshe kavua mutuadije kuenza nanku to, kadi bavua batuadija mbankambua benu. Nudi nuanyisha bua bateke muntu panshi, nansha dituku dia Dikisha!

Bienzedi 7:8

Nenku Mvidi Mukulu kutua ndondu ne Abrahame. Tshimanyinu tshia ndondu ewu ke ditekangana panshi. Abrahame kulela Izake, kumuteka panshi kunyima kua matuku muanda mukulu. Izake pende kuteka Yakobe panshi. Yakobe kuenza momumue ne bankambua betu dikumi ne babidi.

Rome 2:28

Bualu muena Yuda wa menemene, ki mmuntu udi umueneka amu bu muena Yuda nansha; ki ngudibu bateke panshi mu mubidi wende, amu mushindu udi bantu mua kumona to.

Rome 3:25

Mvidi Mukulu uvua mufile Yezu Kristu bu mulambu, bua bantu badi bamuitaba bapete dijimija dia mibi ku lufu luende. Ke muvua Mvidi Mukulu musue kuleja mudiye ubinga: kale uvua ulama lutulu, kayi unyoka bantu bua malu abu mabi.

Rome 3:28

Bualu tudi tuitaba ne: Mvidi Mukulu udi ubingisha muntu bualu bua ditaba diende, ki mbua padiye ukumbaja mikenji nansha.

Rome 3:30

bualu Mvidi Mukulu udi amu umuepele. Neabingishe bena Yuda amu ku ditaba, ne bantu ba bisamba bikuabu kabidi amu ku ditaba.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Ngalate 6:12

Badi basue bua banuteke panshi ku bukole mbantu kaayi? Ke badi bakeba amu bilenga bia panu, batshina bua kababakengeshi bualu bua mutshi mutshiamakane wa Kristu.

Efeze 2:11

Kabavua banulele bena Yuda. Bena Yuda bavua banuamba ne: “ki mbabateke panshi.” Kadi bobu mene bavua babateka panshi amu mushindu udi bantu batekangana panshi. Nenku, vulukayi munuvua kale.

Dielulula 10:16

Nudifile muenu muonsu kudi Maweja-Nangila Mvidi Mukulu wenu. Kanumutombokedi kabidi to.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Yoshua 5:2

Anu tshikondu atshi, Maweja-Nangila kuambila Yoshuwa ne: — Usonge tuele tua ntewula, bua uteke ndelanganyi mipiamipia ya bena Izrayele eyi panshi.

Yoshua 5:4

Tshikondu tshivua bena Izrayele bapatuke mu Ejipitu, bantu balume bavua bamane kupeta bidimu bikumbane bia kuluangana mvita, bavua bamane kubateka panshi. Kadi bantu abu bonsu, bavua bafuila mu tshipela.